Advertisement
ಶ್ರೀ ಆದಿಚುಂಚನಗಿರಿ ಮಹಾಸಂಸ್ಥಾನದ ಮಂಗಳೂರು ಮಠದ ಪೀಠಾಧ್ಯಕ್ಷರಾದ ಶ್ರೀ ಧರ್ಮಪಾಲನಾಥ ಸ್ವಾಮೀಜಿ ಹಾಗೂ ಮಾಜಿ ಮೇಯರ್‌ ಹರಿನಾಥ್‌ ಜಂಟಿಯಾಗಿ ಅಭಿಯಾನ ಆರಂಭಿಸಿದರು. ಚೆನ್ನೈ ರಾಮಕೃಷ್ಣ ಮಠದ ಬ್ರಹ್ಮಚಾರಿ ಮಾಧವ ಚೈತನ್ಯ, ಬ್ರಹ್ಮಚಾರಿ ಶಿವಕುಮಾರ್‌ ಉಪಸ್ಥಿತರಿದ್ದರು. ವಿಧಾನ ಪರಿಷತ್‌ ವಿಕ್ಷದ ಮುಖ್ಯ ಸಚೇತಕ ಕ್ಯಾ|ಗಣೇಶ್‌ ಕಾರ್ಣಿಕ್‌ ಸ್ವಾಗತಿಸಿದರು.
Related Articles
ಶಾಲಾ ವಿದ್ಯಾರ್ಥಿಗಳಲ್ಲಿ ಸ್ವಚ್ಛತೆಯ ಅರಿವು ಮೂಡಿಸಬೇಕೆಂಬ ನಿಟ್ಟಿನಲ್ಲಿ ಯೋಜಿಸಿರುವ ಸ್ವಚ್ಛ ಮನಸ್ಸು ಅಭಿಯಾನದ ಅಡಿಯಲ್ಲಿ ಕಳೆದ ಫೆಬ್ರವರಿ ತಿಂಗಳಿನಲ್ಲಿ ‘ಸ್ವಚ್ಛತಾ ಮಂಥನ’ ಎಂಬ ಕೈಪಿಡಿಯ ಮೇಲೆ ವಿಶೇಷ ಕಾರ್ಯಕ್ರಮಗಳನ್ನು ಆಯಾ ಶಾಲೆಗಳಲ್ಲಿ ಹಮ್ಮಿಕೊಳ್ಳಲಾಯಿತು. ಒಟ್ಟು 108 ಪ್ರೌಢಶಾಲೆಗಳಿಂದ ಒಟ್ಟು 10,750 ವಿದ್ಯಾರ್ಥಿಗಳು ಭಾಗವಹಿಸಿದರು. ಸುಮಾರು ಐವತ್ತು ಸಂಪನ್ಮೂಲ ವ್ಯಕ್ತಿಗಳು ಹಾಗೂ ಐವತ್ತು ಶಾಲಾ ಸಂಯೋಜಕರ ಸಹಕಾರದಿಂದ ಯಶಸ್ವಿಯಾಗಿ ಜರಗಿತು. ಪ್ರಧಾನ ಸಂಯೋಜಕ ರಂಜನ್‌ ಬೆಳ್ಳರಪಾಡಿ ನೇತೃತ್ವದಲ್ಲಿ ಸಂತೋಷ ಡಿ’ಸೋಜಾ, ಉಪನ್ಯಾಸಕ ಶ್ರೀವತ್ಸ ನಿರ್ಚಾಲು, ಅರ್ಜುನ ಪೈ, ವೀಣಾ ಎಸ್‌. ಪಂಡಿತ್‌ ಹಾಗೂ ಶ್ರೇಯಸ್‌ ಪಂಡಿತ್‌ ಸಂಯೋಜಿಸಿದರು.
Advertisement
ಮನೆ ಭೇಟಿ: ಶ್ರೀ ದುರ್ಗಾಪರಮೇಶ್ವರೀ ಪದವಿ ಕಾಲೇಜಿನ ವಿದ್ಯಾರ್ಥಿಗಳು ಉಪನ್ಯಾಸಕ ಸಂತೋಷ ಆಳ್ವ ಮಾರ್ಗದರ್ಶ ನದಲ್ಲಿ ಕಾವೂರು ಕಾಲನಿ ಮತ್ತು ಕಾವೂರು ಕಟ್ಟೆಯ ಪರಿಸರದಲ್ಲಿರುವ ಮನೆಗಳಿಗೆ ಭೇಟಿ ನೀಡಿದರು. ಕೋಡಂಗೆ ಬಾಲಕೃಷ್ಣ ನಾಯ್ಕ, ನಲ್ಲೂರು ಸಚಿನ್‌ ಶೆಟ್ಟಿ, ಗಣೇಶ್‌ ಕಾವೂರು ಮನೆ ಭೇಟಿಯಲ್ಲಿ ಪಾಲ್ಗೊಂಡರು.
ಫ್ಲೆಕ್ಸ್‌ ಬ್ಯಾನರ್‌ ತೆರವು: ಏರ್‌ ಪೋರ್ಟ್‌ ರಸ್ತೆಯಲ್ಲಿ ಹಲವಾರು ಫ್ಲೆಕ್ಸ್‌ ಬ್ಯಾನರಗಳು ನೇತಾಡಿಕೊಂಡು ನಗರದ ಅಂದಗೆಡಿಸುತ್ತಿದ್ದವು. ಕಳೆದ ವಾರದಂತೆ ಇಂದೂ ಸಹ ಸುಮಾರು ಐನೂರಕ್ಕೂ ಅಧಿಕ ಬ್ಯಾನರ್‌ಗಳನ್ನು ತೆರವುಗೊಳಿಸಲಾಯಿತು. ಅಲ್ಲಲ್ಲಿ ಅಂಟಿಸಿದ್ದ ಪೋಸ್ಟರ್‌ಗಳನ್ನೂ ತೆಗೆದು ಸ್ವಚ್ಛ ಮಾಡಲಾಯಿತು.
ಸುಧಾಕರ್‌ ಕಾವೂರು, ಅಪ್ಜಲ್‌, ನಜೀರ್‌ ಅಹ್ಮದ್‌, ಸಚಿನ್‌ ಕಾವೂರು ಸೇರಿದಂತೆ ಅನೇಕರು ಅಭಿಯಾನದಲ್ಲಿ ಭಾಗವಹಿಸಿದರು. ಶುಭೋದಯ ಆಳ್ವ ನೇತೃತ್ವ ವಹಿಸಿದ್ದರು. ಈ ಸ್ವಚ್ಛತಾ ಕಾರ್ಯಗಳಿಗೆ ಎಂಆರ್‌ಪಿಎಲ್‌ ಹಾಗೂ ನಿಟ್ಟೆ ಸಂಸ್ಥೆಗಳು ಪ್ರಾಯೋಜಕತ್ವ ನೀಡಿ ಸಹಕರಿಸುತ್ತಿವೆ.