ಕಮಲ್‌ನಾಥ್‌ ಮನೆಯಲ್ಲಿ ರಾಮ ದರ್ಬಾರ್‌

ಭೋಪಾಲ: ಮಧ್ಯಪ್ರದೇಶದ ಮಾಜಿ ಸಿಎಂ, ಕಾಂಗ್ರೆಸ್‌ ಹಿರಿಯ ನಾಯಕ ಕಮಲ್‌ನಾಥ್‌ ಅವರು ಬುಧವಾರ ಭೂಮಿಪೂಜೆಯ ಹಿನ್ನೆಲೆಯಲ್ಲಿ ತಮ್ಮ ನಿವಾಸದಲ್ಲೇ ರಾಮ ದರ್ಬಾರ್‌ ಹಮ್ಮಿಕೊಂಡಿದ್ದರು.

ಮಂಗಳವಾರವಷ್ಟೇ ಅವರ ಮನೆಯಲ್ಲಿ ಹನುಮಾನ್‌ ಚಾಲೀಸ ಪಠಣವೂ ನಡೆದಿತ್ತು.

ರಾಮ ದರ್ಬಾರ್‌ ಪೂರ್ಣಗೊಂಡ ಬಳಿಕ ಮಾತನಾಡಿದ ಅವರು, ಇಂದು ನಮ್ಮ ದೇಶದ ಚರಿತ್ರೆಯಲ್ಲೇ ಐತಿಹಾಸಿಕ ದಿನ.

ಪ್ರತಿಯೊಬ್ಬ ಭಾರತೀಯನ ಮನದಲ್ಲೂ ರಾಮಮಂದಿರ ನಿರ್ಮಾಣವಾಗಬೇಕು ಎಂಬ ಬಯಕೆ ಇತ್ತು.

1985ರಲ್ಲೇ ರಾಜೀವ್‌ ಗಾಂಧಿಯು ಅದರ ಬೀಗ ತೆಗೆದಿದ್ದರು ಮತ್ತು ಮಂದಿರ ನಿರ್ಮಾಣವಾಗಬೇಕು ಎಂದು ಹೇಳಿದ್ದರು.

ಈಗ ಯಾರಾದರೂ ಅದರ ಕ್ರೆಡಿಟ್‌ ತೆಗೆದುಕೊಳ್ಳಲು ಬಯಸಿದರೆ, ಅದು ತಪ್ಪು ಎಂದು ಹೇಳಿದ್ದಾರೆ.