Ayodhya: ರಾಮಮಂದಿರ ಪ್ರಾಣಪ್ರತಿಷ್ಠೆ ಸಂಭ್ರಮ ಜ.22ರ ಬದಲು 11ಕ್ಕೆ!

ಲಕ್ನೋ: ಅಯೋಧ್ಯಾ ರಾಮ ಮಂದಿರದ ಉದ್ಘಾ ಟನೆ ನಡೆದು 2025ರ ಜ. 22ಕ್ಕೆ 1 ವರ್ಷ ಪೂರೈಸಲಿದೆ. ಆದರೆ, ಬಾಲರಾಮನ ಪ್ರಾಣಪ್ರತಿಷ್ಠೆಯ ವಾರ್ಷಿಕೋತ್ಸವ ಸಂಭ್ರಮವನ್ನು ಜ.22ರಂದು ಆಚರಿಸುವುದಿಲ್ಲ ಎಂದು ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ ಹೇಳಿದೆ.

ಬದಲಾಗಿ ಸಮಾರಂಭವನ್ನು ಜ.11ರಂದೇ ಆಚರಿಸುವುದಾಗಿ ಟ್ರಸ್ಟ್‌ ಹೇಳಿದೆ. ಹಿಂದೂ ಧರ್ಮದ ಪ್ರಕಾರ ಎಲ್ಲಾ ಹಬ್ಬಗಳನ್ನೂ ಹಿಂದೂ ಪಂಚಾಂಗಗಳ ದಿನಾಂಕದ ಮೂಲಕವೇ ಆಚರಿಸಲಾಗುತ್ತದೆ. ಅಂತೆಯೇ ಪ್ರಾಣಪ್ರತಿಷ್ಠೆಯನ್ನು ಶುಕ್ಲ ಪಕ್ಷದ ದ್ವಾದಶಿ ದಿನ ನಡೆಸಲಾಗಿತ್ತು ಎಂದು ಟ್ರಸ್ಟ್‌ ಹೇಳಿದೆ.