ಪ್ರಥಮ ಭಾರತೀಯ; ರಾಜೀವ್‌ ಶಾ ರಾಕ್‌ ಫೆಲ್ಲರ್‌ ಫೌಂಡೇಶನ್‌ ಅಧ್ಯಕ್ಷ

ನ್ಯೂಯಾರ್ಕ್‌ : ಅಮೆರಿಕದ ಅಂತಾರಾಷ್ಟ್ರೀಯ ಅಭಿವೃದ್ಧಿ ಸಂಸ್ಥೆಯ (ಯುಎಸ್‌ಎಐಡಿ) ಮಾಜಿ ಮುಖ್ಯಸ್ಥ ರಾಜೀವ್‌ ಜೆ ಶಾ ಅವರನ್ನು ಅಮೆರಿಕದ ಅತ್ಯಂತ ದೊಡ್ಡ ಹಾಗೂ ಪ್ರಭಾವಶಾಲಿ ದಾನ ಸಂಸ್ಥೆಯಾಗಿರುವ ರಾಕ್‌ಫೆಲ್ಲರ್‌ ಫೌಂಡೇಶನ್‌ನ ಅಧ್ಯಕ್ಷ ಸ್ಥಾನಕ್ಕೆ ಹೆಸರಿಸಲಾಗಿದೆ. 

ರಾಕ್‌ಫೆಲ್ಲರ್‌ ಫೌಂಡೇಶನ್‌ನ ಅಧ್ಯಕ್ಷರಾಗುವ ಅತ್ಯಂತ ಕಿರಿಯ ವಯಸ್ಸಿನ ಹಾಗೂ ಮೊತ್ತ ಮೊದಲ ಭಾರತೀಯನೆಂಬ ಹೆಗ್ಗಳಿಕೆಗೆ ರಾಜೀವ್‌ ಜೆ  ಶಾ ಪಾತ್ರರಾಗಿದ್ದಾರೆ.

“ರಾಕ್‌ ಫೆಲ್ಲರ್‌ ಫೌಂಡೇಶನ್‌ನ ಮುಂದಿನ ಅಧ್ಯನಾಗಿ ಹೆಸರಿಸಲ್ಪಟ್ಟಿರುವುದಕ್ಕೆ ತುಂಬ ಹೆಮ್ಮೆ ಅನ್ನಿಸುತ್ತಿದೆ; ಅಂತೆಯೇ ಈ ವಿಷಯ ತಿಳಿದು ರೋಮಾಂಚಿತನಾಗಿದ್ದೇನೆ’ ಎಂದು 43ರ ಹರೆಯದ ರಾಜೀವ್‌ ಶಾ ಅವರು ಟ್ವೀಟ್‌ ಮಾಡಿದ್ದಾರೆ. 

ರಾಜೀವ್‌ ಶಾ ಅವರು ರಾಕ್‌ ಫೆಲ್ಲರ್‌ ಫೌಂಡೇಶನ್‌ನ ಅಧ್ಯಕ್ಷರಾಗಿ ಕಳೆದ 12 ವರ್ಷಗಳಿಂದ ಸೇವೆ ಸಲ್ಲಿಸುತ್ತಿರುವ ಜುಡಿತ್‌ ರಾಡಿನ್‌ ಅವರ ಉತ್ತರಾಧಿಕಾರಿಯಾಗಿದ್ದಾರೆ.