ರಾಹುಲ್‌ ಗಾಂಧಿ ಪ್ರಧಾನಿ ಕನಸು ನನಸಾಗದು: ವಿಜಯ ವರ್ಗೀಯ

ಕೃಷ್ಣನಗರ, ಪಶ್ಚಿಮ ಬಂಗಾಲ : ರಾಹುಲ್‌ ಗಾಂಧಿ ಅವರು ದೇಶದ ಮುಂದಿನ ಪ್ರಧಾನಿಯಾಗುವ ಕನಸು ಕಾಣುವುದನ್ನು ನಿಲ್ಲಿಸಬೇಕು ಎಂದು ಬಿಜೆಪಿಯ ರಾಷ್ಟ್ರೀಯ ಪ್ರಧಾನ ಕಾರ್ಯದಶಿರ ಕೈಲಾಶ್‌ ವಿಜಯವರ್ಗೀಯ ಹೇಳಿದ್ದಾರೆ. 

ದೇಶದ ಪ್ರಧಾನಿಯಾಗುವ ರಾಹುಲ್‌ ಕನಸು ಎಂದೂ ನನಸಾಗದು ಎಂದವರು ಟೀಕಿಸಿದ್ದಾರೆ.

ಬಿಜೆಪಿಯ ಪ್ರಸ್ತಾವಿತ ರಥಯಾತ್ರೆಗೆ ರಾಜ್ಯ ಸರಕಾರ ನಿರಾಕರಿಸಿರುವುದರ ವಿರುದ್ಧ ನಡೆದ ರಾಲಿಯಲ್ಲಿ ಮಾತನಾಡುತ್ತಿದ್ದ ಅವರು ಮಮತಾ ಬ್ಯಾನರ್ಜಿ ಅವರನ್ನು ನೇರವಾಗಿ ಹೆಸರಿಸಿದೆ, “ಪಶ್ಚಿಮ ಬಂಗಾಲದಲ್ಲಿಯೂ ಓರ್ವ ಪಪ್ಪು ಇದ್ದಾರೆ; ಅವರು ಕೂಡ ರಾಹುಲ್‌ ಅವರಂತೆ ದೇಶದ ಪ್ರಧಾನಿಯಾಗುವ ಕನಸು ಕಾಣುತ್ತಿದ್ದಾರೆ’ ಎಂದು ಲೇವಡಿ ಮಾಡಿದರು.