ನಡಾಲ್‌ಗೆ 8ನೇ ರೋಮ್‌ ಪ್ರಶಸ್ತಿ

ರೋಮ್‌: ಹಾಲಿ ಚಾಂಪಿಯನ್‌, ಜರ್ಮನಿಯ ಅಲೆಕ್ಸಾಂಡರ್‌ ಜ್ವೆರೇವ್‌ ಅವರನ್ನು 6-1, 1-6, 6-3 ಅಂತರದಿಂದ ಮಣಿಸಿದ ರಫೆಲ್‌ ನಡಾಲ್‌ 8ನೇ ಬಾರಿಗೆ “ರೋಮ್‌ ಮಾಸ್ಟರ್’ ಟೆನಿಸ್‌ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿದ್ದಾರೆ.

ರವಿವಾರ ನಡೆದ ಈ ಮುಖಾಮುಖೀಯ ನಿರ್ಣಾಯಕ ಸೆಟ್‌ ವೇಳೆ ಜ್ವೆರೇವ್‌ 3-1ರ ಮುನ್ನಡೆಯಲ್ಲಿದ್ದರು. ಆದರೆ ಆಗ ಮಳೆಯಿಂದ ಪಂದ್ಯಕ್ಕೆ ಅಡಚಣೆಯಾಯಿತು. ಅನಂತರ ಬಿರುಸಿನ ಆಟಕ್ಕಿಳಿದ ನಡಾಲ್‌ ಜರ್ಮನ್‌ ಆಟಗಾರನ ವಿರುದ್ಧ ಮೇಲುಗೈ ಸಾಧಿಸುವಲ್ಲಿ ಯಶಸ್ವಿಯಾದರು. ಜ್ವೆರೇವ್‌ ವಿರುದ್ಧ ಆಡಿದ ಎಲ್ಲ 5 ಪಂದ್ಯಗಳನ್ನೂ ಗೆದ್ದು ಅಜೇಯ ದಾಖಲೆ ಕಾಯ್ದುಕೊಂಡರು.

ಇದು ನಡಾಲ್‌ ಪಾಲಾದ 32ನೇ ಮಾಸ್ಟರ್ ಪ್ರಶಸ್ತಿ. ಜ್ವೆರೇವ್‌ ಕಳೆದ ವಾರವಷ್ಟೇ ಮ್ಯಾಡ್ರಿಡ್‌ ಟ್ರೋಫಿ ಜಯಿಸಿದ ಸಾಧನೆಯೊಂದಿಗೆ ಈ ಕೂಟಕ್ಕೆ ಆಗಮಿಸಿದ್ದರು. ಅವರ ಸತತ 13 ಪಂದ್ಯಗಳ ಗೆಲುವಿನ ಓಟಕ್ಕೀಗ ಬ್ರೇಕ್‌ ಬಿದ್ದಿದೆ.
“ನೀವೋರ್ವ ಅದ್ಭುತ ಚಾಂಪಿಯನ್‌. ಇದನ್ನು ಮತ್ತೂಮ್ಮೆ ಸಾಬೀತುಪಡಿಸಿದಿರಿ. ಈ ಪ್ರಶಸ್ತಿ ಅರ್ಹವಾಗಿ ನಿಮಗೇ ಸಲ್ಲಬೇಕಿತ್ತು’ ಎಂದು ಜ್ವೆರೇವ್‌ ಸ್ಪೇನ್‌ ಟೆನಿಸಿಗನನ್ನು ಪ್ರಶಂಸಿಸಿದ್ದಾರೆ.