ಲೆಟ್ಸ್ ಬ್ರೇಕಪ್ ಎಂದ ರಚನಾ ಇಂದರ್

ಶ್ರೀ ಹಾಗೂ ಲವ್‌ ಮಾಕ್ಟೇಲ್ ಮೂಲಕ ಜನಪ್ರಿಯರಾಗಿರುವ ರಚನಾ ಇಂದರ್‌ ನಾಯಕ- ನಾಯಕಿಯಾಗಿ ಅಭಿನಯಿಸುತ್ತಿರುವ ಲೆಟ್ಸ್‌ ಬ್ರೇಕಪ್‌ ಚಿತ್ರದ ಮುಹೂರ್ತ ಇತ್ತೀಚೆಗೆ ಶ್ರೀ ಅಂಗಾಳ ಪರಮೇಶ್ವರಿ ಸನ್ನಿಧಿಯಲ್ಲಿ ನೆರವೇರಿತು. ಜನವರಿ ಒಂದರಿಂದ ಬೆಂಗಳೂರಿನಲ್ಲಿ ಚಿತ್ರೀಕರಣ ಆರಂಭವಾಗಲಿದೆ.

ಸ್ವರೂಪ್‌ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಕಥೆ, ಚಿತ್ರಕಥೆ, ಸಂಭಾಷಣೆ ಕೂಡ ಸ್ವರೂಪ್‌ ಅವರದೆ. ಮಿರುನಾಲಿನಿ ಅವರು ಈ ಚಿತ್ರ ನಿರ್ಮಾಣ ಮಾಡುತ್ತಿದ್ದಾರೆ.

ಐದು ಹಾಡುಗಳಿರುವ ಈ ಚಿತ್ರಕ್ಕೆ ವಿನೀತ್‌ ರಾಜ್‌ ಮೆನನ್‌ ಸಂಗೀತ ನೀಡುತ್ತಿದ್ದಾರೆ. ಲವೀತ್‌ ಛಾಯಾಗ್ರಹಣ, ಹರೀಶ್‌ ಕೊಮ್ಮೆ ಸಂಕಲನ ಹಾಗೂ ಸತೀಶ್‌ ಅವರ ಕಲಾ ನಿರ್ದೇಶನ ಲೆಟ್ಸ್ ಬ್ರೇಕಪ್‌ ಚಿತ್ರಕ್ಕಿದೆ.