Advertisement
ನಾಗರಿಕರ ಮೇಲೆ ಗುಂಡಿನ ದಾಳಿ ಆಗಿರುವುದರ ಕುರಿತು ವಿವಿಧ ರಾಜಕೀಯ ಪಕ್ಷಗಳು ಆಕ್ರೋಶ ವ್ಯಕ್ತಪಡಿಸಿವೆ. ರಾಜ್ಯಪಾಲ ಸತ್ಯಪಾಲ್‌ ಮಲಿಕ್‌ ನೇತೃತ್ವದ ಆಡಳಿತವು ಜನರ ಜೀವ ಉಳಿಸುವಲ್ಲಿ ವೈಫ‌ಲ್ಯವಾಗಿದೆ ಎಂದು ಆರೋಪಿಸಿವೆ. ಮತ್ತೂಂದೆಡೆ, ಹತ್ಯೆ ಖಂಡಿಸಿ ಕಾಶ್ಮೀರದ ಪ್ರತ್ಯೇಕತಾವಾದಿಗಳು 3 ದಿನಗಳ ಕಾಲ ಪ್ರತಿಭಟನೆಗೆ ಕರೆ ನೀಡಿದ್ದಾರೆ. ಹೀಗಾಗಿ, ಕಣಿವೆ ರಾಜ್ಯದಲ್ಲಿ ಆತಂಕದ ಸ್ಥಿತಿ ನಿರ್ಮಾಣವಾಗಿದ್ದು, ಶ್ರೀನಗರ ಸೇರಿದಂತೆ ಹಲವು ಭಾಗಗಳಲ್ಲಿ ಮೊಬೈಲ್‌ ಇಂಟರ್ನೆಟ್‌ ಸೇವೆಯನ್ನು ಸ್ಥಗಿತಗೊಳಿಸಲಾಗಿದೆ.
Related Articles
ಕಾರ್ಯಾಚರಣೆ ವೇಳೆ ಯೋಧರೊಬ್ಬರು ಹುತಾತ್ಮರಾಗಿದ್ದು, ಗಾಯಗೊಂಡಿರುವ ಇಬ್ಬರು ಸೈನಿಕರ ಸ್ಥಿತಿ ಗಂಭೀರವಾಗಿದೆ ಎಂದು ಸೇನಾ ಮೂಲಗಳು ಹೇಳಿವೆ.
Advertisement
ಕಳೆದ 6 ತಿಂಗಳಿಂದಲೂ ದಕ್ಷಿಣ ಕಾಶ್ಮೀರವು ಆತಂಕದಲ್ಲೇ ದಿನ ದೂಡುತ್ತಿದೆ. ರಾಜ್ಯಪಾಲರ ಆಡಳಿತದಿಂದ ನಾವು ನಿರೀಕ್ಷಿಸಿದ್ದು ಇದನ್ನೇನಾ? ಇನ್ನು ಏನೇ ತನಿಖೆ ನಡೆಸಿದರೂ ಮೃತಪಟ್ಟಿರುವ ಅಮಾಯಕರ ಜೀವವನ್ನು ಮರಳಿಸಲು ಸಾಧ್ಯವೇ? ತನ್ನದೇ ಜನರನ್ನು ಕೊಲ್ಲುವ ಮೂಲಕ ಯಾವುದೇ ದೇಶವು ಯುದ್ಧ ಗೆಲ್ಲಲು ಸಾಧ್ಯವಿಲ್ಲ.– ಮೆಹಬೂಬಾ ಮುಫ್ತಿ, ಪಿಡಿಪಿ ಮುಖ್ಯಸ್ಥೆ, ಮಾಜಿ ಸಿಎಂ ಕಾಶ್ಮೀರದಲ್ಲಿ ಮತ್ತೂಂದು ರಕ್ತಸಿಕ್ತ ವಾರಾಂತ್ಯ. ಅತ್ಯಂತ ಕೆಟ್ಟದಾಗಿ ನಡೆಸಲಾದ ಎನ್ಕೌಂಟರ್ ಇದು. ಎನ್ಕೌಂಟರ್ ಸ್ಥಳದಲ್ಲಿನ ಪ್ರತಿಭಟನಾಕಾರರನ್ನು ಹೇಗೆ ನಿಭಾಯಿಸಬೇಕು ಎಂಬುದನ್ನು ಯಾಕೆ ಯಾರೂ ಕಲಿಯುತ್ತಿಲ್ಲ?
– ಒಮರ್‌ ಅಬ್ದುಲ್ಲಾ, ಮಾಜಿ ಸಿಎಂ ಮೂವರು ಉಗ್ರರನ್ನು ಕೊಲ್ಲುವ ಸಲುವಾಗಿ ನೀವು 7 ನಾಗರಿಕರನ್ನು ಹತ್ಯೆಗೈಯ್ಯುತ್ತೀರಿ ಎಂದಾದರೆ, ನಾವು ನಿರ್ಭೀತಿಯ ರಾಜ್ಯವನ್ನು ನೋಡಲು ಸಾಧ್ಯವೇ ಇಲ್ಲ.
– ಸಜ್ಜದ್‌ ಲೋನ್‌, ಮಾಜಿ ಸಚಿವ ಯಾರೀತ ಥೋಕರ್‌?
ಜಮ್ಮು-ಕಾಶ್ಮೀರದವನೇ ಆದ ಝಹೂರ್‌ ಥೋಕರ್‌ ಸೇನೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದ. ಬಾರಾಮುಲ್ಲಾ ಜಿಲ್ಲೆಯ ಸೇನಾ ಘಟಕದಲ್ಲಿ ನಿಯೋಜನೆಗೊಂಡಿದ್ದ. ಕಳೆದ ವರ್ಷದ ಜುಲೈನಲ್ಲಿ ಈತ ಏಕಾಏಕಿ ಘಟಕದಿಂದ ನಾಪತ್ತೆಯಾಗಿದ್ದ. ಅಷ್ಟೇ ಅಲ್ಲ, ತನ್ನೊಂದಿಗೆ ಸರ್ವೀಸ್‌ ರೈಫ‌ಲ್‌ ಮತ್ತು ಮೂರು ಮ್ಯಾಗಜಿನ್‌ಗಳನ್ನೂ ಹೊತ್ತೂಯ್ದಿದ್ದ. ನಂತರ ಥೋಕರ್‌ ಉಗ್ರ ಸಂಘಟನೆಗೆ ಸೇರ್ಪಡೆಗೊಂಡ ವಿಚಾರ ಬೆಳಕಿಗೆ ಬಂದಿತ್ತು. ಪುಲ್ವಾಮಾ ಜಿಲ್ಲೆಯಲ್ಲಿ ನಡೆದ ಹಲವು ವಿಧ್ವಂಸಕ ಕೃತ್ಯಗಳಲ್ಲೂ ಈತ ಭಾಗಿಯಾಗಿದ್ದ. ಶನಿವಾರದ ಎನ್‌ಕೌಂಟರ್‌ನಲ್ಲಿ ಥೋಕರ್‌ ಸೇರಿದಂತೆ ಮೂವರು ಉಗ್ರರನ್ನು ಸದೆಬಡಿಯಲಾಗಿದ್ದು, ಇಬ್ಬರು ಗುರುತು ಇನ್ನೂ ಬಹಿರಂಗವಾಗಿಲ್ಲ. 3 ದಿನಗಳ ಪ್ರತಿಭಟನೆ
ಸೈಯದ್‌ ಅಲಿ ಶಾ ಗಿಲಾನಿ, ಮಿರ್ವೇಜ್‌ ಉಮರ್‌ ಫಾರೂಕ್‌ ಮತ್ತು ಮೊಹಮ್ಮದ್‌ ಯಾಸೀನ್‌ ಮಲಿಕ್‌ ಮತ್ತಿತರ ಪ್ರತ್ಯೇಕತಾವಾದಿಗಳ ಒಕ್ಕೂಟವು (ಜಾಯಿಂಟ್‌ ರೆಸಿಸ್ಟೆನ್ಸ್‌ ಲೀಡರ್‌ಶಿಪ್‌) ಶನಿವಾರದ ಘಟನೆ ಖಂಡಿಸಿ 3 ದಿನಗಳ ಕಾಲ ಪ್ರತಿಭಟನೆಗೆ ಕರೆ ನೀಡಿದೆ. ಈ ಕುರಿತು ಟ್ವೀಟ್‌ ಮಾಡಿರುವ ಮಿರ್ವೇಜ್‌, ಭಾರತ ಸರ್ಕಾರವು ಸಶಸ್ತ್ರ ಪಡೆಗಳನ್ನು ಬಳಸಿ ಕಾಶ್ಮೀರಿಗರನ್ನು ಕೊಲ್ಲಲು ನಿರ್ಧರಿಸಿದೆ. ಸೋಮವಾರ ಕಣಿವೆ ರಾಜ್ಯದ ಜನರು ಬಾದಾಮಿ ಬಾಗ್‌ ಸೇನಾ ಕಂಟೋನ್ಮೆಂಟ್‌ಗೆ ಪ್ರತಿಭಟನಾ ಮೆರವಣಿಗೆ ನಡೆಸುತ್ತೇವೆ. ಪ್ರತಿ ದಿನ ನಮ್ಮನ್ನು ಕೊಲ್ಲುವ ಬದಲು, ಒಂದೇ ಬಾರಿಗೆ ನಮ್ಮೆಲ್ಲರನ್ನೂ ಸಾಯಿಸಿಬಿಡಿ ಎಂದು ಕೇಳಿಕೊಳ್ಳುತ್ತೇವೆ ಎಂದು ಹೇಳಿದ್ದಾರೆ.