Burhan Wani; ಬುರ್ಹಾನ್‌ ವಾನಿ ಅನುಚರ ಸೇರಿ 5 ಉಗ್ರರ ಎನ್‌ಕೌಂಟರ್‌

ಹೊಸದಿಲ್ಲಿ: ಜಮ್ಮು-ಕಾಶ್ಮೀರದ ಕುಲ್ಗಾಮ್‌ನಲ್ಲಿ ಗುರುವಾರ ಭದ್ರತಾ ಪಡೆ ಸಿಬಂದಿ ಕಾರ್ಯಾಚರಣೆ ನಡೆಸಿದ್ದು, ಹಿಜ್ಬುಲ್‌ ಮುಜಾಹಿದೀನ್‌ ಉಗ್ರ ಸಂಘಟನೆಯ ಐವರನ್ನು ಹೊಡೆದುರುಳಿಸಿದ್ದಾರೆ.

ಈ ಪೈಕಿ 2016ರಲ್ಲಿ ಅಸುನೀಗಿದ್ದ ಉಗ್ರ ಬುರ್ಹಾನ್‌ ವಾನಿಯ ಕೊನೇ ಅನುಚರ  ಫಾರೂಖ್‌ ಅಲಿ ಯನ್ನೂ ಕೊಲ್ಲಲಾಗಿದೆ.  ಘಟನೆಯಲ್ಲಿ ಇಬ್ಬರು ಯೋಧರೂ ಗಾಯಗೊಂಡಿದ್ದಾರೆಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಬುರ್ಹಾನ್‌ ಗುಂಪಿನಲ್ಲಿದ್ದ ಫಾರೂಖ್‌ ಸುಳಿವು ನೀಡಿದವರಿಗೆ 10 ಲಕ್ಷ ರೂ. ಬಹುಮಾನ ವನ್ನೂ ಘೋಷಿಸಲಾಗಿತ್ತು.