ಜವಳಿ ತೆರಿಗೆ ವಿರೋಧಿಸಿ ಪ್ರತಿಭಟನೆ

ಬೆಂಗಳೂರು: ಜವಳಿ ಉತ್ಪನ್ನಗಳಿಗೆ ಶೇ.5ರಷ್ಟು ತೆರಿಗೆ ವಿಧಿಸಿ ರುವುದನ್ನು ವಿರೋಧಿಸಿ ಜವಳಿ ವ್ಯಾಪಾರಿಗಳು ಶುಕ್ರವಾರ ವಹಿವಾಟು ಸ್ಥಗಿತಗೊಳಿಸಿ ಪ್ರತಿಭಟನೆ ನಡೆಸಿದರು. ಈವರೆಗೆ ಜವಳಿ ಉತ್ಪನ್ನಗಳನ್ನು ತೆರಿಗೆ ವ್ಯಾಪ್ತಿಯಿಂದ ಹೊರಗಿಡಲಾಗಿತ್ತು.

ಆದರೆ, ಜಿಎಸ್‌ಟಿ ಅಡಿ ಜವಳಿ ಉತ್ಪನ್ನಗಳಿಗೂ ಶೇ.5ರಷ್ಟು ತೆರಿಗೆ ವಿಧಿಸಿರುವುದರಿಂದ ತೀವ್ರ ಹೊರೆಯಾಗುತ್ತಿದೆ. ಕೂಡಲೇ ತೆರಿಗೆ ರದ್ದುಪಡಿಸಬೇಕು ಎಂದು ಒತ್ತಾಯಿಸಿ ವ್ಯಾಪಾರಿಗಳು ಪ್ರತಿಭಟನೆ ನಡೆಸಿದರು. ಜಿಎಸ್‌ಟಿ ಜಾರಿ ಬೆನ್ನಲ್ಲೇ ಹೋಟೆಲ್‌ ತಿಂಡಿ- ತಿನಿಸು ಬೆಲೆ ಏರಿಕೆ- ಇಳಿಕೆ ಬಗ್ಗೆ ಚರ್ಚೆ ನಡೆಯುತ್ತಿರುವಾಗ ಕೆಲ ಬದಲಾವಣೆಗಳಾಗಿವೆ.

ವಾಸುದೇವ ಅಡಿಗಾಸ್‌ ಹೋಟೆಲ್‌ ಗಳಲ್ಲಿ ಶನಿವಾರದಿಂದ ಕಾಫಿ- ಟೀ ಬೈಟು ಸೇವೆ ರದ್ದಾಗಿದೆ. ಈ ಸಂಬಂಧ ಹೋಟೆಲ್‌ಗ‌ಳಲ್ಲಿ ಶುಕ್ರವಾರವೇ ಫ‌ಲಕ ಅಳವಡಿಸಿದ್ದು, ಜಿಎಸ್‌ಟಿ ತೆರಿಗೆ ಹೊರೆ ಭರಿಸುವುದಕ್ಕಾಗಿ ಬೈಟು ಸೇವೆ ರದ್ದುಪಡಿಸಿರುವುದಾಗಿ ಸ್ಪಷ್ಟನೆ ನೀಡಿದೆ. 

ಪಾರ್ಸೆಲ್‌ ಶುಲ್ಕ ರದ್ದು: ಜಿಎಸ್‌ಟಿ ಜಾರಿ ಬಳಿಕ ತೆರಿಗೆ ಇಳಿಕೆಯಾಗಲಿರುವ ಹಿನ್ನೆಲೆಯಲ್ಲಿ ಕೆಲ ಪ್ರತಿಷ್ಠಿತ ಹೋಟೆಲ್‌ ಗಳು ಪಾರ್ಸೆಲ್‌ಗೆ ವಿಧಿಸುತ್ತಿದ್ದ ಶುಲ್ಕವನ್ನು ರದ್ದುಪಡಿಸಿವೆ. ಈ ಹಿಂದೆ ಶೇ.8ರಷ್ಟು ಪಾರ್ಸೆಲ್‌ ಶುಲ್ಕ ವಿಧಿಸಲಾಗುತ್ತಿತ್ತು. ಆದರೆ, ಈಗ ತೆರಿಗೆ ಪ್ರಮಾಣ ಶೇ.12ಕ್ಕೆ ಇಳಿಕೆಯಾಗುವು  ದರಿಂದ ಪಾರ್ಸೆಲ್‌ ಶುಲ್ಕ ರದ್ದುಪಡಿಸಿದ್ದು, ಉಚಿತ ಸೇವೆ ಕಲ್ಪಿಸುವುದಾಗಿ ಗ್ರಾಹಕರಿಗೆ ಎಸ್‌ಎಂಎಸ್‌ ರವಾನಿಸಿವೆ.