ವೀಸಾ ನಿರಾಕರಣೆಯಿಂದ ಪ್ರಾಜೆಕ್ಟ್ ವಿಳಂಬ

ನವದೆಹಲಿ: ಮಾಹಿತಿ ತಂತ್ರಜ್ಞಾನ ಸೇವೆ ಸಂಸ್ಥೆ ಇನ್ಫೋಸಿಸ್‌ ಅಮೆರಿಕ ವೀಸಾ ನಿರಾಕರಣೆಯ ಸಮಸ್ಯೆಯನ್ನು ಎದುರಿಸುತ್ತಿದೆ. ಅಮೆರಿಕದ ವೀಸಾ ಪದೇ ಪದೆ ನಿರಾಕರಿಸಲಾಗುತ್ತಿದ್ದು, ಇದರಿಂದಾಗಿ ಪ್ರಾಜೆಕ್ಟ್ ವಿಳಂಬವಾಗುತ್ತಿದೆ. ಅಷ್ಟೇ ಅಲ್ಲ, ಕ್ಲೈಂಟ್‌ಗಳಿಗೆ ಇದು ವೆಚ್ಚದಾಯಕವೂ ಆಗುತ್ತಿದೆ ಎಂದು ಇನ್ಫೋಸಿಸ್‌ ಹೇಳಿದೆ.

ಈಗಾಗಲೇ ಅಮೆರಿಕದ ಕಚೇರಿಗಳಲ್ಲಿ ಸ್ಥಳೀಯರನ್ನೇ ಕಂಪನಿ ನೇಮಿಸಿಕೊಳ್ಳುವ ಪ್ರಕ್ರಿಯೆ ಆರಂಭಿಸಿದೆಯಾದರೂ, ಹೆಚ್ಚುವರಿ ಕೆಲಸದ ಅಗತ್ಯಗಳಿಗೆ ಭಾರತದಿಂದ ಸಿಬ್ಬಂದಿಯನ್ನು ಅಮೆರಿಕಕ್ಕೆ ಕಳುಹಿಸುವ ಅಗತ್ಯವಿರುತ್ತದೆ.

ಇತ್ತೀಚೆಗೆ ಅಮೆರಿಕ ವೀಸಾ ನೀತಿಯನ್ನು ಕಠಿಣಗೊಳಿಸಿರುವುದರಿಂದ ಈ ಸಮಸ್ಯೆ ಎದುರಾಗಿದ್ದು, ನೀತಿ ಮುಂದುವರಿದರೆ ವಿದೇಶದಲ್ಲಿ ಕಂಪನಿಯ ವಿಸ್ತರಣೆಗೆ ಅಡ್ಡಿಯುಂಟಾಗಲಿದೆ ಎಂದು ಕಂಪನಿ ಹೇಳಿದೆ.