Pro Kabaddi ಅ.18-ಡಿ.24 ರ ವರೆಗೆ:ಹೈದರಾಬಾದ್‌,ನೋಯ್ಡಾ, ಪುಣೆಯಲ್ಲಿ ಪಂದ್ಯಗಳು

ಮುಂಬಯಿ: ಕಳೆದ 10ನೇ ಆವೃತ್ತಿ ಪ್ರೊ ಕಬಡ್ಡಿ ಲೀಗ್‌ ಬೆಂಗಳೂರು ಸೇರಿ ದೇಶದ 12 ನಗರಗಳಲ್ಲಿ ನಡೆದಿತ್ತು. ಆದರೆ ಅ. 18ರಿಂದ ಆರಂಭವಾಗಲಿರುವ 11ನೇ ಪ್ರೊ ಕಬಡ್ಡಿ ಲೀಗ್‌ ಹಂತದ ಪಂದ್ಯಗಳು ಕೇವಲ 3 ತಾಣಗಳಲ್ಲಿ ನಡೆಯಲಿವೆ. ಹೈದರಾಬಾದ್‌ನ ಗಚ್ಚಿಬೌಲಿಯಲ್ಲಿ ಬೆಂಗಳೂರು ಬುಲ್ಸ್‌ ಮತ್ತು ತೆಲುಗು ಟೈಟಾನ್ಸ್‌ ನಡುವೆ ಉದ್ಘಾಟನ ಪಂದ್ಯ ನಡೆಯಲಿದೆ. ಅದೇ ದಿನ 2ನೇ ಪಂದ್ಯ ಯು ಮುಂಬಾ ಮತ್ತು ದಬಾಂಗ್‌ ಡೆಲ್ಲಿ ನಡುವೆ ನಡೆಯಲಿದೆ.

ಪ್ರಸ್ತುತ ಹೈದರಾಬಾದ್‌ನ ಗಚ್ಚಿಬೌಲಿ (ಅ.18ರಿಂದ ನ. 9), ಉತ್ತರಪ್ರದೇಶದ ನೋಯ್ಡಾ (ನ. 10ರಿಂದ ಡಿ. 1), ಮಹಾರಾಷ್ಟ್ರದ ಪುಣೆಯಲ್ಲಿ (ಡಿ. 3ರಿಂದ ಡಿ. 24) ಲೀಗ್‌ ಹಂತದ ಪಂದ್ಯಗಳು ನಡೆಯಲಿವೆ. ಅನಂತರ ಪ್ಲೇಆಫ್ ಮತ್ತು ಫೈನಲ್‌ ಪಂದ್ಯಗಳು ಆರಂಭವಾಗಲಿವೆ. ಈ ಹಂತದಲ್ಲಿ ಬೆಂಗಳೂರಿನಲ್ಲಿ ಪಂದ್ಯಗಳು ನಡೆಯುತ್ತವೋ, ಇಲ್ಲವೋ ಎನ್ನುವುದು ಮುಂದೆ ನಿರ್ಧಾರವಾಗಲಿದೆ. ಪಂದ್ಯಗಳು ಸ್ಟಾರ್‌ನ್ಪೋರ್ಟ್ಸ್ನಲ್ಲಿ ನೇರಪ್ರಸಾರವಾಗಲಿದೆ.