ಹನುಮ ವಿಹಾರಿಗೆ ಅಚ್ಚರಿಯ ಕರೆ

ಹೊಸದಿಲ್ಲಿ: ಪ್ರವಾಸಿ ಇಂಗ್ಲೆಂಡ್‌ ವಿರುದ್ಧದ ಉಳಿದೆರಡು ಟೆಸ್ಟ್‌ ಪಂದ್ಯಗಳಿಗೆ ಆಂಧ್ರಪ್ರದೇಶದ ಬ್ಯಾಟ್ಸ್‌ಮನ್‌ ಹನುಮ ವಿಹಾರಿ ಅವರನ್ನು ಸೇರಿಸಿಕೊಳ್ಳಲಾಗಿದೆ. ಭಾರತದ ಗೆಲುವಿನ ಬಳಿಕ ನಾಟಿಂಗ್‌ಹ್ಯಾಮ್‌ನ “ಪಾರ್ಕ್‌ ಪ್ಲಾಝಾ’ದಲ್ಲಿ ಸಭೆ ಸೇರಿದ ಭಾರತೀಯ ಆಯ್ಕೆ ಸಮಿತಿ ತಂಡವನ್ನು ಪ್ರಕಟಿಸಿತು.

ಈ ಕುರಿತು ಮಾತಾಡಿರುವ ಹನುಮ ವಿಹಾರಿ. “ಪ್ರಾಮಾಣಿಕವಾಗಿ ಹೇಳಬೇಕೆಂದರೆ ನಾನು ಈ ಕರೆಯ ನಿರೀಕ್ಷೆಯಲ್ಲೇ ಇರಲಿಲ್ಲ. ನಾನು ಚತುಷೊನ ಕ್ರಿಕೆಟ್‌ ಸರಣಿಗೆ ತಯಾರಿ ನಡೆಸುತ್ತಿದ್ದೆ. ಇಂದು ಸಂಜೆ ಟೆಸ್ಟ್‌ ತಂಡದಿಂದ ಕರೆ ಬಂತು. ನಾಳೆಯೇ ಹೊರಡಲಿದ್ದು, ಆ. 24ರಂದು ಇಂಗ್ಲೆಂಡ್‌ ತಲುಪಲಿದ್ದೇನೆ. ನನ್ನ ಪಾಲಿಗೆ ಇದೊಂದು ರೋಮಾಂಚಕ ಕ್ಷಣ. ವಿಶ್ವ ಕ್ರಿಕೆಟಿನ ಅತ್ಯುತ್ತಮ ಆಟಗಾರರೊಂದಿಗೆ ಕಳೆ ಯುವ ಅವಕಾಶವೊಂದು ಎದುರಾಗಿದೆ. ಇವರಿಂದ ಸಾಕಷ್ಟು ಕಲಿಯಬೇಕಿದೆ…’ ಎಂದಿದ್ದಾರೆ.

ಹನುಮ ವಿಹಾರಿ ಆಫ್ಸ್ಪಿನ್ನರ್‌ ಕೂಡ ಆಗಿದ್ದು, ಅಕಸ್ಮಾತ್‌ ಆರ್‌. ಅಶ್ವಿ‌ನ್‌ ಸಂಪೂರ್ಣ ಗುಣಮುಖರಾಗದೇ ಹೋದಲ್ಲಿ ವಿಹಾರಿ ಅವಕಾಶ ಪಡೆಯುವ ಸಾಧ್ಯತೆ ಇದೆ ಎಂದು ಅಭಿಪ್ರಾಯಪಡಲಾಗಿದೆ. ಇತ್ತೀಚೆಗೆ ದಕ್ಷಿಣ ಆಫ್ರಿಕಾ “ಎ’ ತಂಡದ ವಿರುದ್ಧದ ಟೆಸ್ಟ್‌ ಸರಣಿಯಲ್ಲಿ ಹನುಮ ವಿಹಾರಿ 54 ಹಾಗೂ 148 ರನ್‌ ಬಾರಿಸಿ ಗಮನ ಸೆಳೆದಿದ್ದರು.