ಮಣಿಪಾಲದಲ್ಲಿರುವ ಪುಟ್ಟ ಪ್ರೆಸ್ ಕಾರ್ಟ್ ಕ್ಯಾಂಟೀನ್ ಬಗ್ಗೆ ಗೊತ್ತಾ?

ಇದು ಸುಮಾರು 25 ವರ್ಷಗಳಿಂದ ಜನಪ್ರಿಯವಾಗಿದೆ. ಆರಂಭದಲ್ಲಿ ಉದಯವಾಣಿ ಪ್ರೆಸ್ ನಲ್ಲಿ ಕೆಲಸ ನಿರ್ವಹಿಸುತ್ತಿದ್ದ ಸಿಬ್ಬಂದಿಗಳ. ಉದ್ಯೋಗಿಗಳ ಹಾಗೂ ಸ್ಥಳೀಯ ವಿದ್ಯಾರ್ಥಿಗಳ ನೆಚ್ಚಿನ ಕ್ಯಾಂಟೀನ್ ಆಗಿತ್ತು. ಪ್ರೆಸ್ ಕಾರ್ಟ್ ನಲ್ಲಿ ಹೊಟ್ಟೆ ತುಂಬುವಷ್ಟು ಹಾಗೂ ಬಾಯಲ್ಲಿ ನೀರೂರಿಸುವ ಇಡ್ಲಿ ತೊವೆ(ದಾಲ್), ಬನ್ ಮಸಾಲಾ( ನಿಮ್ಮ ಆಯ್ಕೆಗೆ ತಕ್ಕಂತೆ ವೆಜಿಟೇರಿಯನ್ ಅಥವಾ ಮೊಟ್ಟೆ ಮಿಶ್ರಿತ), ಫ್ರೆಂಚ್ ಟೋಸ್ಟ್ ಸೇರಿದಂತೆ ಹಲವು ವೈವಿಧ್ಯಮಯ ಖಾದ್ಯ ನಿಮಗೆ ಇಲ್ಲಿ ಲಭ್ಯವಾಗುತ್ತೆ.

ಪ್ರೆಸ್ ಕಾರ್ಟ್ ನಲ್ಲಿ ಇಡ್ಲಿ ಮಸಲಾ ತುಂಬಾ ರುಚಿಯಾದ ತಿಂಡಿಯಾಗಿದೆ. ಅದೇ ರೀತಿ ಮಿಕ್ಚರ್ ಮಸಾಲಾ, ಚಕ್ಕುಲಿ ದಾಲ್ ಅಥವಾ ಚಕ್ಕುಲಿ ರಸಂ, ಬ್ರೆಡ್ ಆಮ್ಲೆಟ್, ಆಲೂ ಬೋಂಡಾ, ಸಮೋಸಾ, ವೆಜ್ ಪಪ್ಸ್ ದೊರೆಯುತ್ತದೆ.

ಪ್ರೆಸ್ ಕಾರ್ಟ್ ನಲ್ಲಿ ತಿಂಡಿ ತಿಂದರೆ ನಿಮ್ಮ ಜೇಬಿಗೆ ಕತ್ತರಿ ಬೀಳಲ್ಲ. ಯಾಕೆಂದರೆ ಕಡಿಮೆ ಬೆಲೆಗೆ ಗುಣಮಟ್ಟದ ತಿಂಡಿ, ತಿನಿಸು ಗ್ರಾಹಕರಿಗೆ ಲಭ್ಯ. ಕಳೆದ ಮೂರು ದಶಕಗಳಿಂದ ನಿರಂತರವಾಗಿ ಸೇವೆ ನೀಡುತ್ತಿರುವ ಪ್ರೆಸ್ ಕಾರ್ಟ್ ಕ್ಯಾಂಟೀನ್ ಗೆ  ಭಾನುವಾರ ರಜಾ ದಿನ.

ಪ್ರೆಸ್ ಕಾರ್ಟ್ ಹೋಟೆಲ್ ವಿಶೇಷತೆ ಏನು, ಎಷ್ಟು ಗಂಟೆಗೆ ತೆರೆಯುತ್ತದೆ ಎಂಬಿತ್ಯಾದಿ ವಿವರಗಳಿಗಾಗಿ ವಿಡಿಯೋ ನೋಡಿ…