Manipal: ಬಾವಿಗೆ ಬಿದ್ದು ಕಾರ್ಮಿಕ ಸಾ*ವು

ಮಣಿಪಾಲ: ಸರಳೇಬೆಟ್ಟು ದೈವಸ್ಥಾನ ಬಳಿಯ ಹೆರ್ಗ ಎನ್ನುವಲ್ಲಿ ಬಾವಿಗೆ ಬಿದ್ದ ಕೊಡಪಾನ ತೆಗೆಯಲು ಬಾವಿಗೆ ಇಳಿಯುವ ಸಂದರ್ಭ ಆಯ ತಪ್ಪಿ ಬಾವಿಗೆ ಬಿದ್ದು ಕಾರ್ಮಿಕ ಮೃತಪಟ್ಟ ಘಟನೆ ನಡೆದಿದೆ.

ಮಣಿಪಾಲದ ಹೊಟೇಲೊಂದರ ಕಾರ್ಮಿಕ ಶಿವನಾಯ್ಕ (50) ಮೃತಪಟ್ಟವರು. ನೆರೆಮನೆಯ ಬಾವಿಗೆ ಬಿದ್ದ ಕೊಡಪಾನ ಮೇಲಕ್ಕೆ ಎತ್ತಲೆಂದು ಬಾವಿಗೆ ಇಳಿದ ಸಂದರ್ಭ ದುರ್ಘ‌ಟನೆ ಸಂಭವಿಸಿದೆ. ಮಣಿಪಾಲ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.