Manipal: ಅಪರಿಚಿತ ವ್ಯಕ್ತಿಗಳಿಂದ ಬೆದರಿಕೆ; ದೂರು ದಾಖಲು

ಮಣಿಪಾಲ: ಮನೆ ಬಾಗಿಲಿಗೆ ಬಂದ ನಾಲ್ವರು ಅಪರಿಚಿತರು ಬೆದರಿಕೆಯೊಡ್ಡಿ ಹೋಗಿರುವುದಾಗಿ ಈಶ್ವರನಗರದ ನಿವಾಸಿ, ಸಮೀಪದ ಸಾಯಿಸಾಗರ್‌ ಬಾರ್‌ ನೌಕರ ರೊಯಸ್ಟನ್‌ ರಸ್ಸಲ್‌ ಡಿ’ಸೋಜಾ ಮಣಿಪಾಲ ಪೊಲೀಸರಿಗೆ ದೂರು ನೀಡಿದ್ದಾರೆ.

ರೊಯಸ್ಟನ್‌ ಜ. 1ರಂದು ಬೆಳಗ್ಗೆ 8.30ರ ವೇಳೆಗೆ ಮನೆಯಲ್ಲಿ ಇರುವಾಗ ಕಾರಿನಲ್ಲಿ ಬಂದ ವ್ಯಕ್ತಿಗಳು ಮನೆಯ ಬಾಗಿಲು ತೆಗೆಯುವಂತೆ ತಿಳಿಸಿದರು. ಮನೆಯೊಳಗಿದ್ದ ಸರಿತಾ ಡಿ’ಸೋಜಾ ಹಾಗೂ ರೆನ್ಸನ್‌ ಡಿ’ಸೋಜಾ ಅವರು ಬಾಗಿಲು ತೆಗೆದಾಗ ಅಪರಿಚಿತರು ರೊಯಸ್ಟನ್‌ ರಸ್ಸಲ್‌ ಡಿ’ಸೋಜಾ ಅವರ ಹೆಸರು ಹೇಳಿ ಬೆದರಿಕೆಯೊಡ್ಡಿದ್ದಾರೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಪ್ರಕರಣ ದಾಖಲಾಗಿದೆ.