ISRO ಚಂದ್ರನ ಕುಳಿಯಿಂದ ಪ್ರಗ್ಯಾನ್‌ ಪಾರು

ಬೆಂಗಳೂರು: ಚಂದ್ರನ ದಕ್ಷಿಣ ಧ್ರುವದಲ್ಲಿ ಸಂಚರಿಸುತ್ತಿರುವ ಪ್ರಗ್ಯಾನ್‌ ರೋವರ್‌ ಎರಡು ಅಪಾಯಗಳಿಂದ ಪಾರಾಗಿದೆ.

ಇಸ್ರೋ ಟ್ವೀಟ್‌ ಮಾಡಿರುವ ಪ್ರಕಾರ ಆ. 27ರಂದು ಅದು 4 ಮೀ. ಆಳದ ಕುಳಿಯನ್ನು ಗಮನಿಸಿ ಸುತ್ತು ಬಳಸಿ ಪಾರಾಗಿದೆ. 3 ಮೀ. ದೂರದಲ್ಲಿ ಇರುವಾಗಲೇ ಅದನ್ನು ಪತ್ತೆ ಮಾಡಿದ ಪ್ರಗ್ಯಾನ್‌ ಸುಸೂತ್ರವಾಗಿ ಪಥ ಬದಲಿಸಿ ಮುಂದೆ ಸಾಗಿತು. ಜತೆಗೆ ಕುಳಿಯ ಎರಡು ಫೋಟೋಗಳನ್ನೂ ರವಾನಿಸಿದೆ.

ಇದಕ್ಕಿಂತ ಮೊದಲು ಅದು 100 ಮಿ.ಮೀ. ಆಳದ ಕುಳಿಯನ್ನು ಯಶಸ್ವಿಯಾಗಿ ದಾಟಿಕೊಂಡು ಮುನ್ನಡೆದಿತ್ತು.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಇಸ್ರೋದ ಹಿರಿಯ ವಿಜ್ಞಾನಿಯೊಬ್ಬರು, “ಮೊದಲು ಎದುರಾದದ್ದು ಸಣ್ಣ ಕುಳಿ. ಎರಡನೆಯದ್ದು ಕೊಂಚ ದೊಡ್ಡದಾಗಿತ್ತು. ಅದನ್ನು ತಪ್ಪಿಸಿಕೊಂಡು ತೆರಳಲು ನಿರ್ದೇಶಿಸಲಾಯಿತು’ ಎಂದಿದ್ದಾರೆ.