ಪ್ರಧಾನಿ ಮೋದಿ ಅವರಿಂದ ಜು.12ಕ್ಕೆ ಶತಾಬ್ದಿ ಸ್ಮೃತಿ ಸ್ತಂಭ ಲೋಕಾರ್ಪಣೆ

ಪಾಟ್ನಾ: ಬಿಹಾರದ ವಿಧಾನಸಭೆ ಕಟ್ಟಡದ ಶತಮಾನೋತ್ಸವ ನೆನಪಿಗಾಗಿ ಕಟ್ಟಡದೊಳಗೆ ನಿರ್ಮಿಸಲಾಗಿರುವ ಶತಾಬ್ದಿ ಸ್ಮೃತಿ ಸ್ತಂಭವನ್ನು ಪ್ರಧಾನಿ ನರೇಂದ್ರ ಮೋದಿಯವರು ಜು.12ರಂದು ಅನಾವರಣಗೊಳಿಸಲಿದ್ದಾರೆ.

ಸ್ತಂಭವು 40 ಅಡಿಯಷ್ಟು ಎತ್ತರವಿದೆ. ಅದರಲ್ಲಿ 25 ಅಡಿಯನ್ನು ಜೈಸಲ್ಮೇರ್‌ ಕಲ್ಲಿನಿಂದ ನಿರ್ಮಿಸಲಾಗಿದೆ. ಉಳಿದ 15 ಅಡಿಯನ್ನು ಕಂಚಿನಿಂದ ನಿರ್ಮಿಸಲಾಗಿದೆ. ಕಂಚಿನ ಭಾಗದಲ್ಲಿ ಬಿಹಾರದ ಲಾಂಛನವಾದ ಬೋಧಿ ವೃಕ್ಷ, ಪ್ರಾರ್ಥನಾ ಮಣಿ, ಎರಡು ಸ್ವಸ್ಥಿಕ್‌ ಚಿಹ್ನೆಗಳಿವೆ.

ವಿಧಾನಸಭೆ (243) ಮತ್ತು ವಿಧಾನ ಪರಿಷತ್ತಿನಲ್ಲಿ(75) ಇರುವ ಸದಸ್ಯರ ಸಂಖ್ಯೆಯಷ್ಟೇ ಎಲೆಗಳನ್ನು ವೃಕ್ಷದಲ್ಲಿ ಕೆತ್ತಲಾಗಿದೆ. ಈ ಸ್ತಂಭದ ಗುದ್ದಲಿ ಪೂಜೆಯನ್ನು ರಾಷ್ಟ್ರಪತಿ ರಾಮನಾಥ ಕೋವಿಂದ್‌ ಅವರು ಕಳೆದ ವರ್ಷ ಅಕ್ಟೋಬರ್‌ನಲ್ಲಿ ನಡೆಸಿಕೊಟ್ಟಿದ್ದರು.