ಪಿಎಂ ಕಿಸಾನ್‌ ಯೋಜನೆ: 17 ಕೋಟಿ ಜಮಾ

ಚಿಕ್ಕಬಳ್ಳಾಪುರ: ಪಿಎಂ ಕಿಸಾನ್‌ ಯೋಜನೆಯಡಿ ಚಿಕ್ಕಬಳ್ಳಾಪುರ ತಾಲೂಕಿನ 19,387 ರೈತರಿಗೆ 17.32 ಕೋಟಿ ರೂ.ಗಳನ್ನು ಅವರ ಖಾತೆಗಳಿಗೆ ನೇರವಾಗಿ ಜಮಾ ಮಾಡಲಾಗಿದೆ ಎಂದು ತಾಲೂಕು ಕೃಷಿ ಸಹಾಯಕ ನಿರ್ದೇಶಕ ಕೇಶವರೆಡ್ಡಿ ತಿಳಿಸಿದ್ದಾರೆ.
ನಗರದಲ್ಲಿ ಉದಯವಾಣಿಯೊಂದಿಗೆ ಮಾತನಾಡಿದ ಅವರು, ತಾಲೂಕಿನಲ್ಲಿ 31,171 ರೈತರ ಪೈಕಿ 19,387 ರೈತರಿಗೆ ಆರು ಹಂತದಲ್ಲಿ ಪಿಎಂ ಕಿಸಾನ್‌ ಯೋಜನೆ ಮೂಲಕ 17.32 ಕೋಟಿ ರೂ.ಪಾವತಿಸಲಾಗಿದ್ದು, ತಾಲೂಕಿನಲ್ಲಿ ಮೃತಪಟ್ಟಿರುವ 3,476
ರೈತರು, ಕೃಷಿ ಚಟುವಟಿಕೆಗಳಿಂದ ದೂರ ಉಳಿದಿರುವ 7,200 ರೈತರು ಹಾಗೂ 1,107 ಜನರನ್ನು ಅನರ್ಹರು ಎಂದು ಪರಿಗಣಿಸಲಾಗಿದೆ ಎಂದು ವಿವರಿಸಿದರು.

ತಾಲೂಕಿನಲ್ಲಿ 837 ಎಂಎಂ ಮಳೆ ನಿರೀಕ್ಷಿಸಿದ್ದು, ಆ ಪೈಕಿ 890 ಎಂಎಂ ಮಳೆಯಾಗಿದೆ. ಶೇ.53 ರಷ್ಟು ಹೆಚ್ಚುವರಿ ಮಳೆಯಾಗಿದ್ದು, ತಾಲೂಕಿನಲ್ಲಿ 16,611 ಹೆಕ್ಟೇರ್‌ ಪ್ರದೇಶದಲ್ಲಿ ಕೃಷಿ ಚಟುವಟಿಕೆಗಳಿಗೆ ಗುರಿ ಮಾಡಲಾಗಿದ್ದು, ಆ ಪೈಕಿ 15,445 ಹೆಕ್ಟೇರ್‌ ಪ್ರದೇಶದಲ್ಲಿ ಕೃಷಿ ಚಟುವಟಿಕೆ ನಡೆಸಲಾಗಿದೆ ಎಂದು ತಿಳಿಸಿದರು.

ಇದನ್ನೂ ಓದಿ:ಬಾರದ 108, ಹೊಂಡಕ್ಕೆ ಬಿದ್ದ ಮಕ್ಕಳಿಬ್ಬರು ಸಾವು ; ಆಸ್ಪತ್ರೆಯಲ್ಲಿ ಯುವಕರಿಂದ ದಾಂಧಲೆ

ಹಿಂಗಾರು 80 ಹೆಕ್ಟೇರ್‌ ಗುರಿ: ತಾಲೂಕಿನಲ್ಲಿ ರಾಗಿ 8,821, ಮುಸುಕಿನ ಜೋಳ 230, ಪಾಪ್‌ಕಾರ್ನ್ 2006, ತೊಗರಿ 1235, ಅವರೆ 1240, ಅಲಸಂದೆ 150, ನೆಲಗಡಲೆ 1703, ಹುರುಳಿ 25, ಸಿರಿಧಾನ್ಯ 8 ಹೆಕ್ಟೇರ್‌ ಪ್ರದೇಶದಲ್ಲಿ ಬೆಳೆಸಲಾ ಗಿದೆ. ಹಿಂಗಾರು
80 ಹೆಕ್ಟೇರ್‌ ಗುರಿ ಇಟ್ಟುಕೊಂಟು ಈಗಾಗಲೇ 27 ಹೆಕ್ಟೇರ್‌ ಸಾಧನೆ ಮಾಡಲಾಗಿದ್ದು, ಅದರಲ್ಲಿ ಸ್ವೀಟ್‌ ಕಾರ್ನ್ 15 ಹೆಕ್ಟೇರ್‌ ಮತ್ತು ಹುರುಳಿ 12 ಹೆಕ್ಟೇರ್‌ ಪ್ರದೇಶದಲ್ಲಿ ಬೆಳೆಸಲಾಗಿದೆ ಎಂದರು.

ಸೌಲಭ್ಯ ಪಡೆಯಲು ಅನುಕೂಲ: ತಾಲೂಕಿನಲ್ಲಿ ಕೊರೊನಾ ಸಂಕಷ್ಟದ ಅವಧಿಯಲ್ಲಿ ಮುಸುಕಿನ ಜೋಳ ಬೆಳೆದ 1,250 ರೈತರಿಗೆ 62.50 ಲಕ್ಷ ರೂ. ಗಳ ಪರಿಹಾರ ಒದಗಿಸಲಾಗಿದೆ. ತಾಲೂಕಿನಲ್ಲಿ 91.613 ಪ್ಲಾಟ್ಸ್‌ಗಳ ಪೈಕಿ 29,671 ಪ್ಲಾಟ್‌ಗಳ ಬೆಳೆ
ಸಮೀಕ್ಷೆ ಕಾರ್ಯ ನಡೆಸಿ 32.38% ಸಾಧನೆ ಮಾಡಲಾಗಿದ್ದು, ರೈತರು ತಮ್ಮ ತಮ್ಮ ಪಹಣಿಗಳಿಗೆ ಆಧಾರ್‌ ಲಿಂಕ್‌ ಮಾಡಬೇಕೆಂದು ಈಗಾಗಲೇ ಮನವಿ ಮಾಡಲಾಗಿದೆ. ಇದ ರಿಂದ ಮುಂದಿನ ದಿನಗಳಲ್ಲಿ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳ
ಮೂಲಕ ದೊರೆಯುವ ಸೌಲಭ್ಯಗಳು ಪಡೆಯಲು ಅನುಕೂಲವಾಗಲಿದೆ ಎಂದರು.

ಬೆಳೆ ಸಮೀಕ್ಷೆ ವೇಳೆಯಲ್ಲಿ ಬೆಳೆ ನಮೂದನೆ ತಪ್ಪಾಗಿದ್ದಲ್ಲಿ ತಿದ್ದುಪಡಿ ಮಾಡಲು ಸಹ ಅವ ಕಾಶಗಳಿದ್ದು, ರೈತರು ಸೂಕ್ತ ರೀತಿಯ ಮಾಹಿತಿ ಮತ್ತು ದಾಖಲೆ ನೀಡಿ ಈ ಸೌಲಭ್ಯವನ್ನು ಸದುಪಯೋಗ ಮಾಡಿಕೊಳ್ಳಬೇಕೆಂದು ಕೋರಿದ್ದಾರೆ.