ಈಸ್ಟ್‌ಬೋರ್ನ್ ಓಪನ್‌: ಕರೋಲಿನಾ ಪ್ಲಿಸ್ಕೋವಾಗೆ ಪ್ರಶಸ್ತಿ

ಈಸ್ಟ್‌ಬೋರ್ನ್: ಕರೋಲಿನ್‌ ವೋಜ್ನಿಯಾಕಿ ಅವರನ್ನು ನೇರ ಸೆಟ್‌ಗಳಿಂದ ಕೆಡಹಿದ ಕರೋಲಿನಾ ಪ್ಲಿಸ್ಕೋವಾ ಅವರು ಈಸ್ಟ್‌ಬೋರ್ನ್ ಓಪನ್‌ ಟೆನಿಸ್‌ ಕೂಟದ ಪ್ರಶಸ್ತಿ ಗೆದ್ದರಲ್ಲದೇ ಸೋಮವಾರದಿಂದ ಆರಂಭವಾಗುವ ವಿಂಬಲ್ಡನ್‌ ಟೆನಿಸ್‌ ಕೂಟಕ್ಕೆ ರೆಡಿ ಎಂಬುದನ್ನು ಸಾರಿದ್ದಾರೆ.

ವಿಂಬಲ್ಡನ್‌ಗೆ ಪೂರ್ವಭಾವಿಯಾಗಿ ನಡೆದ ಈ ಕೂಟದಲ್ಲಿ ಪ್ಲಿಸ್ಕೋವಾ 6-4, 6-4 ಸೆಟ್‌ಗಳಿಂದ ಜಯ ಸಾಧಿಸಿದರು. ಇದು ಅವರ ಈ ಋತುವಿನ ಮೂರನೇ ಪ್ರಶಸ್ತಿಯಾಗಿದೆ.

ವಿಶ್ವದ ಆರನೇ ರ್‍ಯಾಂಕಿನ ಡೆನ್ಮಾರ್ಕ್‌ನ ವೋಜ್ನಿಯಾಕಿ ಗೆಲುವಿಗಾಗಿ ಬಹಳಷ್ಟು ಶ್ರಮ ವಹಿಸಿದರೂ ಪ್ಲಿಸ್ಕೋವಾ ಯಾವುದೇ ಕ್ಷಣ ಅವರಿಗೆ ಮೇಲುಗೈ ಸಾಧಿಸಲು ಅವಕಾಶ ನೀಡಿಲ್ಲ.