PKL 11: ಬುಲ್ಸ್‌ ಗೆ 10ನೇ ಸೋಲು

ನೋಯ್ಡಾ: ಪ್ರೊ ಕಬಡ್ಡಿ ಪಂದ್ಯಾವಳಿಯಲ್ಲಿ ಬೆಂಗಳೂರು ಬುಲ್ಸ್‌ 10ನೇ ಸೋಲಿನಿಂದ ತತ್ತರಿಸಿದೆ. ಮಂಗಳವಾರದ ಪಂದ್ಯದಲ್ಲಿ ಅದು ಪಾಟ್ನಾ ಪೈರೆಟ್ಸ್‌ ಕೈಯಲ್ಲಿ 31-54 ಅಂತರದ ಆಘಾತಕ್ಕೆ ಸಿಲುಕಿತು.

ಇದು ಬುಲ್ಸ್‌ ತಂಡದ 12ನೇ ಪಂದ್ಯ. ಪಾಟ್ನಾ 11 ಪಂದ್ಯಗಳಲ್ಲಿ 7ನೇ ಜಯ ಸಾಧಿಸಿತು. ರೈಡರ್‌ಗಳಾದ ದೇವಾಂಕ್‌ 16, ಅಯಾನ್‌ 12 ಅಂಕಗಳೊಂದಿಗೆ ಅಮೋಘ ಪ್ರದರ್ಶನ ನೀಡಿ ಪಾಟ್ನಾಕ್ಕೆ ಮೇಲುಗೈ ಒದಗಿಸಿದರು. ಬುಲ್ಸ್‌ ಪರ 7 ಅಂಕ ಗಳಿಸಿದ ರೈಡರ್‌ ಅಕ್ಷಿತ್‌ ಅವರದೇ ಉತ್ತಮ ಸಾಧನೆ.

ಪುಣೇರಿ-ಯೋಧಾಸ್‌ ಟೈ

ಪುಣೇರಿ ಪಲ್ಟಾನ್‌-ಯುಪಿ ಯೋಧಾಸ್‌ ನಡುವಿನ ಮೊದಲ ಪಂದ್ಯ 29-29 ಅಂಕಗಳಿಂದ ಟೈ ಆಯಿತು. ಯೋಧಾ ರೈಡರ್‌ ಭವಾನಿ ರಜಪೂತ್‌ ಕೊನೆಯಲ್ಲೊಂದು ಟಚ್‌ ಪಾಯಿಂಟ್‌ ಗಳಿಸುವುದರೊಂದಿಗೆ ಪಂದ್ಯ ಸಮಬಲಕ್ಕೆ ಬಂತು. ರಜಪೂತ್‌ ಸೂಪರ್‌ 10 ಸಾಧನೆಯನ್ನೂ ಪೂರ್ತಿಗೊಳಿಸಿದರು. ಪುಣೇರಿ ಪರ ನಾಯಕ ಪಂಕಜ್‌ ಮೋಹಿತೆ 9 ಅಂಕ ಗಳಿಸಿದರು.