Pro Kabaddi League: ಪಾಟ್ನಾ ಪೈರೆಟ್ಸ್‌ ಪರಾಕ್ರಮ

ನೋಯ್ಡಾ,: ಪ್ರೊ ಕಬಡ್ಡಿ ಪಂದ್ಯದಲ್ಲಿ ಪಾಟ್ನಾ ಪೈರೆಟ್ಸ್‌ ತನ್ನ ಪರಾಕ್ರಮ ಮೆರೆದಿದ್ದು, 6ನೇ ಗೆಲುವು ದಾಖಲಿಸಿದೆ. ಶುಕ್ರವಾರದ ಮೊದಲ ಪಂದ್ಯದಲ್ಲಿ ಅದು ಬೆಂಗಾಲ್‌ ವಾರಿಯರ್ಗೆ 52-31 ಅಂಕಗಳ ಸೋಲುಣಿಸಿತು.

ರೈಡರ್‌ಗಳಾದ ದೇವಾಂಕ್‌ 15, ಅಯಾನ್‌ 11 ಅಂಕ ಗಳಿಸಿ ಪಾಟ್ನಾಕ್ಕೆ ಭರ್ಜರಿ ಮೇಲುಗೈ ಒದಗಿಸಿದರು. ಬೆಂಗಾಲ್‌ ತಂಡದ ರೈಡರ್‌ ನಿತಿನ್‌ ಕುಮಾರ್‌ 11 ಅಂಕ ಗಳಿಸಿದರು. ಉಳಿದವರಿಂದ ನಿರೀಕ್ಷಿತ ಪ್ರದರ್ಶನ ಕಂಡುಬರಲಿಲ್ಲ.

ಜೈಪುರ್‌ ವಿಜಯ: ದ್ವಿತೀಯ ಪಂದ್ಯದಲ್ಲಿ ಜೈಪುರ್‌ ಪಿಂಕ್‌ ಪ್ಯಾಂಥರ್ 32-24 ಅಂತರದಿಂದ ಗುಜರಾತ್‌ ಜೈಂಟ್ಸ್‌ಗೆ ಸೋಲುಣಿಸಿತು. ಇದು 10 ಪಂದ್ಯಗಳಲ್ಲಿ ಗುಜರಾತ್‌ ಅನುಭವಿಸಿದ 8ನೇ ಸೋಲು.