PKL 2024 : ಬುಲ್ಸ್‌ : 8ನೇ ಸೋಲಿನ ನಂಟು

ನೋಯ್ಡಾ: ಬೆಂಗಳೂರು ಬುಲ್ಸ್‌ 10 ಪಂದ್ಯಗಳಲ್ಲಿ 8ನೇ ಸೋಲಿಗೆ ತುತ್ತಾಗಿದೆ. ಶನಿವಾರದ ಪ್ರೊ ಕಬಡ್ಡಿ ಮುಖಾಮುಖಿಯಲ್ಲಿ ಅದು ದಬಾಂಗ್‌ ಡೆಲ್ಲಿಗೆ 25-35 ಅಂಕಗಳಿಂದ ಶರಣಾಯಿತು. ಡೆಲ್ಲಿ ಇಷ್ಟೇ ಪಂದ್ಯಗಳಿಂದ 5ನೇ ಜಯ ಸಾಧಿಸಿತು.

ಡೆಲ್ಲಿ ಪರ ನಾಯಕ ಆಶು ಮಲಿಕ್‌ 14, ಬುಲ್ಸ್‌ ಪರ ಆಲ್‌ರೌಂಡರ್‌ ನಿತಿನ್‌ ರಾವಲ್‌ 7 ಅಂಕ ಸಂಪಾದಿಸಿದರು.

ತಲೈವಾಸ್‌ ಗೆಲುವು:

ದಿನದ ಮೊದಲ ಪಂದ್ಯದಲ್ಲಿ ತಮಿಳ್‌ ತಲೈವಾಸ್‌ 46-31 ಅಂಕಗಳಿಂದ ಬೆಂಗಾಲ್‌ ವಾರಿಯರ್ಗೆ ಆಘಾತವಿಕ್ಕಿತು. ಇದು 10 ಪಂದ್ಯಗಳಲ್ಲಿ ತಮಿಳ್‌ ಸಾಧಿಸಿದ 4ನೇ ಜಯ. ಬೆಂಗಾಲ್‌ ಇಷ್ಟೇ ಪಂದ್ಯಗಳಿಂದ 5ನೇ ಸೋಲನುಭವಿಸಿತು.

ತಮಿಳ್‌ ಪರ ರೈಡರ್‌ ವಿಶಾಲ್‌ ಚಹಲ್‌ 12, ಡಿಫೆಂಡರ್‌ಗಳಾದ ಆಮಿರ್‌ ಹುಸೇನ್‌ 7, ನಿತೇಶ್‌ ಕುಮಾರ್‌ 6 ಅಂಕ ಗಳಿಸಿದರು.