Advertisement
ಕಳೆದ ಅವಧಿಯಲ್ಲಿ ರಾಜ್ಯ ಆರೋಗ್ಯ ಇಲಾಖೆಯು ರಾಜ್ಯದ ಪ್ರತೀ ಜಿಲ್ಲೆ ಹಾಗೂ ತಾಲೂಕು ಆಸ್ಪತ್ರೆಗಳಿಗೆ ಲಿಕ್ವಿಡ್‌ ಆಕ್ಸಿಜನ್‌ ಘಟಕಗಳನ್ನು ಮಂಜೂರು ಮಾಡಿತ್ತು. ದ.ಕ.ಜಿಲ್ಲೆಯ ಮಂಗಳೂರಿನ ಜಿಲ್ಲಾ ವೆನ್ಲಾಕ್ ಆಸ್ಪತ್ರೆ, ಪುತ್ತೂರು, ಬಂಟ್ವಾಳ, ಬೆಳ್ತಂಗಡಿ ಹಾಗೂ ಸುಳ್ಯ ಸರಕಾರಿ ಆಸ್ಪತ್ರೆಗಳು ಸೇರಿ 5 ಘಟಕ ಹಾಗೂ ಉಡುಪಿ ಜಿಲ್ಲೆಯಲ್ಲಿ ಉಡುಪಿ, ಕುಂದಾಪುರ ಹಾಗೂ ಕಾರ್ಕಳ ಸರಕಾರಿ ಆಸ್ಪತ್ರೆಗಳು ಸೇರಿ ಮೂರು ಘಟಕ ಮಂಜೂರಾಗಿತ್ತು.
ಮಂಗಳೂರಿನ ವೆನ್ಲಾಕ್ ಹಾಗೂ ಲೇಡಿಗೋಶನ್‌ ಆಸ್ಪತ್ರೆಗಳಲ್ಲಿ ಕಾರ್ಯಾಚರಿಸುತ್ತಿರುವ ಲಿಕ್ವಿಡ್‌ ಆಕ್ಸಿಜನ್‌ ಘಟಕಗಳಿಗೆ ಈಗಾಗಲೇ ಏಜೆನ್ಸಿಯೊಂದು ಆಕ್ಸಿಜನ್‌ ತುಂಬುವ ಕಾರ್ಯ ಮಾಡುತ್ತಿದ್ದು, ಆ ಸಂಸ್ಥೆಯೇ ಪ್ರಸ್ತುತ ಅನುಷ್ಠಾನಗೊಂಡಿರುವ ಘಟಕಗಳಿಗೂ ಆಕ್ಸಿಜನ್‌ ತುಂಬುವುದಕ್ಕೆ ಟೆಂಡರ್‌ ಹಾಕುವ ಸಾಧ್ಯತೆ ಇದೆ. ಅಥವಾ ಇತರ ಸಂಸ್ಥೆಗಳು ಕೂಡ ಟೆಂಡರ್‌ ಹಾಕಿ ಬಳಿಕ ಟೆಂಡರ್‌ ಪ್ರಕ್ರಿಯೆ ಪೂರ್ಣಗೊಂಡು ಅದರ ಬಳಿಕವೇ ಘಟಕ ಕಾರ್ಯಾರಂಭದ ಹಂತಕ್ಕೆ ಬರಲಿದೆ ಎಂದು ಆರೋಗ್ಯ ಇಲಾಖೆ ಮೂಲಗಳು ತಿಳಿಸಿದೆ.
Related Articles
Advertisement
ಲಿಕ್ವಿಡ್‌ ಆಕ್ಸಿಜನ್‌ ಘಟಕದ ಅನುಷ್ಠಾನ ಕಾರ್ಯ ಪೂರ್ಣಗೊಂಡು ವಾರದೊಳಗೆ ಪೆಸೊ ಪರವಾನಿಗೆ ಸಿಗುವ ಸಾಧ್ಯತೆ ಇದೆ. ಅದರ ಬಳಿಕ ಘಟಕಗಳಿಗೆ ಆಕ್ಸಿಜನ್‌ ತುಂಬಲು ಟೆಂಡರ್‌ ಮೂಲಕ ಏಜೆನ್ಸಿ ಅಂತಿಮಗೊಂಡು ಮುಂದೆ ಘಟಕ ಕಾರ್ಯಾರಂಭಗೊಳ್ಳುತ್ತದೆ.– ರಾಜೇಶ್‌ ರೈ, ಸಹಾಯಕ ಎಂಜಿನಿಯರ್‌, ಆರೋಗ್ಯ ಇಲಾಖೆ ಎಂಜಿನಿಯರಿಂಗ್‌ ಉಪವಿಭಾಗ, ಮಂಗಳೂರು (ಉಡುಪಿಜಿಲ್ಲೆ ಒಳಗೊಂಡಂತೆ) -ಕಿರಣ್‌ ಸರಪಾಡಿ