ದೆಹಲಿ : ಕೋವಿಡ್ ಸೋಂಕು ದೇಶದೆಲ್ಲೆಡೆ ಜನರನ್ನು ಇನ್ನಿಲ್ಲದಂತೆ ಸಾಯಿಸುತ್ತಿದೆ. ಆದ್ರೆ ಕೆಲವೊಬ್ಬರು ಮಾತ್ರ ಮದ್ಯ ಕುಡಿಯಲು ಹವಣಿಸುತ್ತಿದ್ದಾರೆ. ಲಾಕ್ ಡೌನ್ ಆಗಿರುವ ಪ್ರದೇಶದಲ್ಲಂತೂ ಮದ್ಯ ಪ್ರೇಮಿಗಳ ಸಂಕಟ ಹೇಳತೀರದಾಗಿದೆ. ಇದೇ ಹಿನ್ನೆಲೆಯಲ್ಲಿ ದೆಹಲಿ ಡಾಲಿ ಆಂಟಿಯ ವಿಡಿಯೋ ಇದೀಗ ತುಂಬಾ ವೈರಲ್ ಆಗುತ್ತಿದೆ.
ಕಳೆದ ಕೆಲವು ದಿನಗಳ ಹಿಂದೆ ಡಾಲಿ ಎಂಬ ಹೆಸರಿನ ಮಹಿಳೆಯ ವಿಡಿಯೋ ವೈರಲ್ ಆಗಿತ್ತು. ಔಷಧಕ್ಕಿಂತ ಹೆಚ್ಚಾಗಿ ಮದ್ಯವನ್ನು ಸೇವಿಸಿ ಎಂದು ಸಲಹೆ ನೀಡಿದ್ದು ಸಖತ್ ವೈರಲ್ ಆಗಿತ್ತು. ಇದೀಗ ಅದೇ ಮಹಿಳೆ ದೆಹಲಿ ಸರ್ಕಾರಕ್ಕೆ ಬೇಡಿಕೆಯೊಂದನ್ನು ಇಟ್ಟಿದ್ದಾರೆ.
ಈ ಹಿಂದೆ ಡಾಲಿ ಮಹಿಳೆಯು ಹೇಳಿದ್ದು, ಯಾವ ಔಷದ ಕೂಡ ಮದ್ಯಕ್ಕೆ ಸರಿ ಹೊಂದುವುದಿಲ್ಲ. ಎಣ್ಣೆ ಕುಡಿದರೆ ಎಲ್ಲಾ ಕಾಯಿಲೆಗಳು ವಾಸಿಯಾಗುತ್ತವೆ. ನಾನು ಕಳೆದ 35 ವರ್ಷಗಳಿಂದ ಕುಡಿಯುತ್ತಿದ್ದೇನೆ. ಆದ್ರಿಂದ ನನಗೆ ಯಾವುದೇ ಔಷಧ ಬೇಡ ಎಂದು ಹೇಳುವ ಮೂಲಕ ಟ್ರೋಲ್ ಆಗಿದ್ದರು.
ಇದೀಗ ಮತ್ತೆ ಸುದ್ದಿಯಾಗಿರುವ ಡಾಲಿ ಆಂಟಿ, ಮದ್ಯದ ಅಂಗಡಿಗಳನ್ನು ತೆರೆಯುವಂತೆ ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ. ಮದ್ಯದ ಅಂಗಡಿಗಳು ತೆರೆದರೆ ಆಸ್ಪತ್ರೆಯ ಬೆಡ್ ಗಳು ಖಾಲಿ ಆಗುತ್ತವೆ. ನಂತರ ಸರ್ಕಾರಕ್ಕೆ ಯಾವುದೇ ತೊಂದರೆ ಇರುವುದಿಲ್ಲ ಎಂದಿದ್ದಾರೆ.
ಮತ್ತೊಂದು ಮಾತನ್ನು ಹೇಳಿರುವ ಮಹಿಳೆ, ಜನರ ಹೊಟ್ಟೆ ಒಳಗಡೆ ಮದ್ಯ ಹೋದ್ರೆ.. ಕೋವಿಡ್ ದೇಹದಿಂದ ಹೊರಗಡೆ ಓಡುತ್ತದೆ ಎಂದಿದ್ದಾರೆ. ನೀವು ಲಾಕ್ ಡೌನ್ ವೇಳೆ ಎಣ್ಣೆ ಕುಡಿಯುತ್ತಿದ್ದೀರಾ ಎಂದು ಆಕೆಯನ್ನು ಕೇಳಿದಾಗ ನನ್ನ ಬಳಿ ಸದ್ಯ ಮದ್ಯದ ಸಂಗ್ರಹ ಇಲ್ಲ ಎಂದು ಹೇಳಿದ್ದಾಳೆ.
ಸದ್ಯ ದೆಹಲಿಯಲ್ಲಿ ಕೋವಿಡ್ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಲಾಕ್ ಡೌನ್ ಘೋಷಣೆಯಾಗಿದೆ. ಇದರಿಂದ ಮದ್ಯದ ಅಂಗಡಿಗಳನ್ನು ಬಂದ್ ಮಾಡಲಾಗಿದೆ.
