ಕಾಲಿಂಗ್‌ವುಡ್‌ ಇಂಗ್ಲೆಂಡಿನ ಮಧ್ಯಂತರ ಕ್ರಿಕೆಟ್‌ ಕೋಚ್‌

ಲಂಡನ್: ಮಾಜಿ ಬ್ಯಾಟ್ಸ್‌ಮನ್‌ ಪಾಲ್‌ ಕಾಲಿಂಗ್‌ವುಡ್‌ ಅವರನ್ನು ಇಂಗ್ಲೆಂಡ್‌ ಕ್ರಿಕೆಟ್‌ ತಂಡದ ಮಧ್ಯಂತರ ಪ್ರಧಾನ ಕೋಚ್‌ ಆಗಿ ನೇಮಿಸಲಾಗಿದೆ.

ಮುಂಬರುವ ವೆಸ್ಟ್‌ ಇಂಡೀಸ್‌ ವಿರುದ್ಧದ ಟೆಸ್ಟ್‌ ಸರಣಿಯಲ್ಲಿ ಕಾಲಿಂಗ್‌ವುಡ್‌ ಈ ಜವಾಬ್ದಾರಿ ನಿಭಾಯಿಸಲಿದ್ದಾರೆ.

ಆ್ಯಶಸ್‌ನಲ್ಲಿ ಅನುಭವಿಸಿದ ಹೀನಾಯ ಸೋಲಿನ ಬಳಿಕ ಕೋಚ್‌ ಕ್ರಿಸ್‌ ಸಿಲ್ವರ್‌ವುಡ್‌ ಅವರನ್ನು ಕೆಳಗಿಳಿಸಲಾಗಿತ್ತು.

ಕಾಲಿಂಗ್‌ವುಡ್‌ ಕಳೆದ ವೆಸ್ಟ್‌ ಇಂಡೀಸ್‌ ಪ್ರವಾಸದ ಟಿ20 ಸರಣಿ ವೇಳೆ ಇಂಗ್ಲೆಂಡ್‌ ತಂಡದ ಭಾಗವಾಗಿದ್ದರು. ಇದನ್ನು ಇಂಗ್ಲೆಂಡ್‌ 3-2 ಅಂತರದಿಂದ ಸೋತಿತ್ತು.