Advertisement
ಉಡುಪಿ ಜಿಲ್ಲಾ ಬಿಜೆಪಿ ಕಚೇರಿ ಯಲ್ಲಿ ನಗರ ಪದಾಧಿಕಾರಿಗಳ ಪೇಜ್‌ ಪ್ರಮುಖರ ಸಮಾವೇಶದ ಪೂರ್ವಭಾವಿ ಸಭೆಯಲ್ಲಿ ಮಾತನಾಡು ತಿದ್ದ ಅವರು, ಒಂದು ದೀಪ ದುರಸ್ತಿ ಮಾಡಲು ದೂರು ನೀಡಿದ ನಾಗರಿಕ ತಿಂಗಳುಗಟ್ಟಲೆ ಕಾಯಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ. ಇದಕ್ಕೆ ನಗರಾಡಳಿತ ನೇರ ಹೊಣೆಯಾಗಿದ್ದು ಇದರ ನಿರ್ವಹಣೆಗೆ ಸ್ಥಳೀಯ ಮಾಹಿತಿಯಿಲ್ಲದ ದೂರದ ಶಿವಮೊಗ್ಗದ ಗುತ್ತಿಗೆದಾರರನ್ನು ನೇಮಕ ಮಾಡಿರುವುದು ಮತ್ತು ಇದರಲ್ಲಿ ಅಪಾರ ಭ್ರಷ್ಟಾಚಾರ ನಡೆಸಿರುವುದರ ಬಗ್ಗೆ ಗುಮಾನಿಗಳಿವೆ ಎಂದರು.
ನಗರ ಅಧ್ಯಕ್ಷ ಪ್ರಭಾಕರ ಪೂಜಾರಿ ಯವರು ಮಾತನಾಡಿ, ನಗರಸಭಾ ಚುನಾವಣಾ ಪೂರ್ವಭಾವಿಯಾಗಿ ಮತದಾರರ ಸೇರ್ಪಡೆ ಮತ್ತು ಪರಿಷ್ಕರಣೆಯ ಪ್ರಕ್ರಿಯೆ ನಡೆಯುತ್ತಿದ್ದು ಕಾರ್ಯಕರ್ತರು ಮತ್ತೆ ಸಕ್ರಿಯರಾಗಿ ತಮ್ಮ ತಮ್ಮ ವಾರ್ಡ್‌ ವ್ಯಾಪ್ತಿಯಲ್ಲಿ ಅಭಿಯಾನಗಳನ್ನು ಮುಂದುವರಿಸಿ ಎಂದು ಮನವಿ ಮಾಡಿದರು. ವಿಜಯ ಕೊಡವೂರು ರವಿವಾರ ಚಿಟಾ³ಡಿಯಲ್ಲಿ ನಡೆಯಲಿರುವ ಪೇಜ್‌ ಪ್ರಮುಖರ ಸಮಾವೇಶದ ಬಗ್ಗೆ ಮಾಹಿತಿ ನೀಡಿದರು. ನಗರ ಪ್ರ. ಕಾರ್ಯದರ್ಶಿ ಜಗದೀಶ್‌ ಆಚಾರ್ಯ ನಿರೂಪಣೆ ಮಾಡಿದರು. ಜಿ.ಪಂ. ಅಧ್ಯಕ್ಷ ದಿನಕರ ಬಾಬು, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಸಂಧ್ಯಾರಮೇಶ್‌, ನಗರ ಉಪಾಧ್ಯಕ್ಷ ಟಿ. ಜಿ. ಹೆಗಡೆ ಮತ್ತಿತರರು ಉಪಸ್ಥಿತರಿದ್ದರು.