Advertisement
ಪ್ರಣಯ್‌ ಗೆಲುವುಮೊದಲ ಸಲ ಒಲಿಂಪಿಕ್ಸ್ ಸ್ಪರ್ಧೆಗೆ ಇಳಿದಿ ರುವ ಎಚ್‌.ಎಸ್‌. ಪ್ರಣಯ್‌ ಗೆಲುವಿನ ಆರಂಭ ಮಾಡಿದ್ದಾರೆ. “ಕೆ’ ವಿಭಾಗದ ಪಂದ್ಯದಲ್ಲಿ ಅವರು ಜರ್ಮನಿಯ ಫ್ಯಾಬಿಯನ್‌ ರೋತ್‌ ವಿರುದ್ಧ 21-18, 21-12 ಅಂತರದಿಂದ ಗೆದ್ದು ಬಂದರು. ಇವರ ಮುಂದಿನ ಎದುರಾಳಿ ವಿಯೆಟ್ನಾಮ್‌ನ ಲೆ ಡಕ್‌ ಫಾಟ್‌. ಈ ಪಂದ್ಯ ಬುಧವಾರ ನಡೆಯಲಿದೆ.ವಿಶ್ವದ 111ನೇ ರ್‍ಯಾಂಕಿಂಗ್‌ ಆಟಗಾರ್ತಿ ಯಾಗಿ ರುವ ಫಾತಿಮಾ ಭಾರತೀಯಳಿಗೆ ಯಾವುದೇ ರೀತಿ ಯಲ್ಲಿ ಸಾಟಿಯಾಗಲಿಲ್ಲ. ಅವರು ಮೊದಲ ಗೇಮನ್ನು ಕೇವಲ 13 ನಿಮಿಷಗಳಲ್ಲಿ ಕಳೆದುಕೊಂಡರು.
ವನಿತಾ ಡಬಲ್ಸ್‌ನಲ್ಲಿ ಅಶ್ವಿ‌ನಿ ಪೊನ್ನಪ್ಪ-ತನಿಷಾ ಕ್ರಾಸ್ಟೊ ಮೊದಲ ಪಂದ್ಯದಲ್ಲಿ ಪರಾಭವಗೊಂಡರು. “ಸಿ’ ವಿಭಾಗದ ಸ್ಪರ್ಧೆಯಲ್ಲಿ ದಕ್ಷಿಣ ಕೊರಿಯಾದ ಕಿಮ್‌ ಸೊ ಯೋಂಗ್‌-ಕಾಂಗ್‌ ಹೀ ಯಂಗ್‌ 21-18, 21-10 ಅಂತರದಿಂದ ಭಾರತದ ಜೋಡಿಗೆ ಸೋಲುಣಿಸಿದರು. ಮೊದಲ ಗೇಮ್‌ನಲ್ಲಿ ಅಶ್ವಿ‌ನಿ-ತನಿಷಾ ಆಟ ಉತ್ತಮ ಮಟ್ಟದಲ್ಲಿತ್ತು. ಇದನ್ನು ಸಣ್ಣ ಅಂತರದಲ್ಲಿ ಕಳೆದುಕೊಂಡರು. ಆದರೆ ದ್ವಿತೀಯ ಗೇಮ್‌ನಲ್ಲಿ ಸಂಪೂರ್ಣ ಲಯ ತಪ್ಪಿದರು.
ಸೋಮವಾರದ ದ್ವಿತೀಯ ಪಂದ್ಯದಲ್ಲಿ ಇವರು ಜಪಾನ್‌ನ ಚಿಹರು ಶಿಡಾ-ನಾಮಿ ಮತ್ಸುಯಮಾ ಜೋಡಿಯನ್ನು ಎದುರಿಸಲಿದ್ದಾರೆ.