Pro Kabaddi; 11ನೇ ಜಯ ಸಾಧಿಸಿದ ಪಾಟ್ನಾ

ಪುಣೆ: ಅತ್ಯಂತ ರೋಮಾಂಚಕಾರಿಯಾಗಿ ಸಾಗಿದ ಶುಕ್ರವಾರದ ಮೊದಲ ಪ್ರೊ ಕಬಡ್ಡಿ ಪಂದ್ಯದಲ್ಲಿ ಪಾಟ್ನಾ ಪೈರೆಟ್ಸ್‌ 42-38 ಅಂಕಗಳಿಂದ ತಮಿಳ್‌ ತಲೈವಾಸ್‌ ತಂಡವನ್ನು ಮಣಿಸಿತು. ಇದರೊಂದಿಗೆ 18ನೇ ಪಂದ್ಯದಲ್ಲಿ 11ನೇ ಗೆಲುವು ಸಾಧಿಸಿತು.

ರೈಡರ್‌ಗಳಾದ ಅಯಾನ್‌ (13) ಮತ್ತು ದೇವಾಂಕ್‌ (12) ಅವರ ಅಮೋಘ ಆಟ ಪಾಟ್ನಾ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿತು. ತಲೈವಾಸ್‌ ಪರ ರೈಡರ್‌ ಮೊಯಿನ್‌ ಶಫಾ 11 ಅಂಕ ತಂದಿತ್ತರು. ಇದು 18 ಪಂದ್ಯಗಳಲ್ಲಿ ತಲೈವಾಸ್‌ಗೆ ಎದುರಾದ 11ನೇ ಸೋಲು.

ಬುಲ್ಸ್‌ಗೆ ಹೀನಾಯ ಸೋಲು
ದ್ವಿತೀಯ ಪಂದ್ಯದಲ್ಲಿ ಆತಿಥೇಯ ಪುಣೇರಿ ಪಲ್ಟಾನ್‌ ಕೈಯಲ್ಲಿ ಬೆಂಗಳೂರು ಬುಲ್ಸ್‌ 18-56 ಅಂತರದ ಹೀನಾಯ ಸೋಲನುಭವಿಸಿತು. ಇದು 19 ಪಂದ್ಯಗಳಲ್ಲಿ ಬುಲ್ಸ್‌ಗೆ ಎದುರಾದ 16ನೇ ಸೋಲು.