Pakistan: ಬೇಲ್‌ ಪಡೆದು ಬಿಡುಗಡೆಯಾಗುತ್ತಿದ್ದಂತೆ ಮಾಜಿ ಸಚಿವ ಖುರೇಷಿ ಪುನಃ ಅರೆಸ್ಟ್‌

ಲಾಹೋರ್‌: ರಾಜತಾಂತ್ರಿಕ ದಾಖಲೆಗಳನ್ನು ಅನಧಿಕೃತವಾಗಿ ಪ್ರದರ್ಶಿಸಿದ ಪ್ರಕರಣದಲ್ಲಿ ಕಳೆದ ವಾರ ಪಾಕಿಸ್ತಾನ ಸುಪ್ರೀಂ ಕೋರ್ಟ್‌ನಿಂದ ಜಾಮೀನು ಪಡೆದಿದ್ದ ಮಾಜಿ ಸಚಿವ ಶಾ ಮೆಹಮೂದ್‌ ಖುರೇಷಿ ಅವರನ್ನು ಅಡಿಯಾಲ ಜೈಲಿನ ಹೊರಗೆ ಬುಧವಾರ ಪಾಕ್‌ ಪೊಲೀಸರು ಪುನಃ ಬಂಧಿಸಿದ್ದಾರೆ.

ಸಾರ್ವಜನಿಕ ಸುವ್ಯವಸ್ಥೆ ನಿರ್ವಹಣೆ ಕಾಯ್ದೆಯ ಅನ್ವಯ 15 ದಿನಗಳ ಬಂಧನಕ್ಕೆ ರಾವಲ್ಪಿಂಡಿ ಜಿಲ್ಲಾಧಿಕಾರಿ ಹಸನ್‌ ವಾಕರ್‌ ಚೀಮಾ ಅವರ ಆದೇಶದ ಮೇರೆಗೆ ಪಾಕ್‌ ಮಾಜಿ ವಿದೇಶಾಂಗ ಸಚಿವ ಖುರೇಷಿ(67) ಅವರನ್ನು ಪೊಲೀಸರು ಬಂಧಿಸಿದರು. ಈ ವೇಳೆ ಖುರೇಷಿ ತೀವ್ರ ವಿರೋಧ ವ್ಯಕ್ತಪಡಿಸಿದರು.