ಏಷ್ಯನ್‌ ಅಥ್ಲೆಟಿಕ್ಸ್‌: ಪಾಕ್‌ ಅಥ್ಲೀಟ್‌ಗಳಿಗೆ ಭಾರತದಿಂದ ವೀಸಾ

ನವದೆಹಲಿ: ಜುಲೈ 6ರಿಂದ ಭುವನೇಶ್ವರದಲ್ಲಿ ಆರಂಭವಾಗಲಿರುವ ಏಷ್ಯನ್‌ ಅಥ್ಲೆಟಿಕ್ಸ್‌ ಚಾಂಪಿಯನ್‌ಶಿಪ್‌ನಲ್ಲಿ ಪಾಕಿಸ್ತಾನದ ಅಥ್ಲೀಟ್‌ಗಳು ಪಾಲ್ಗೊಳ್ಳುವುದು ಅನುಮಾನವಾಗಿತ್ತು. ಆದರೆ ಭಾರತ ಸರ್ಕಾರ ಪಾಕ್‌ನ 6 ಅಥ್ಲೀಟ್‌ಗಳಿಗೆ ಮತ್ತು ಇಬ್ಬರು ಅಧಿಕಾರಿಗಳಿಗೆ ವೀಸಾ ನೀಡಿದೆ. 

ಹೀಗಾಗಿ ಕೂಟದಲ್ಲಿ ಪಾಕ್‌ ಆಟಗಾರರು ಪಾಲ್ಗೊಳ್ಳುವುದು ಖಚಿತವಾಗಿದೆ. ಎರಡೂ ರಾಷ್ಟ್ರಗಳ ರಾಜಕೀಯ ಸಂಬಂಧ ಹಳಸಿರುವುದರಿಂದ ಅದು ಕ್ರೀಡಾ ಸಂಬಂಧದ ಮೇಲೂ ಪರಿಣಾಮ ಬೀರಿದೆ. ಹೀಗಾಗಿ ಪಾಕ್‌ ಅಥ್ಲೀಟ್‌ಗಳಿಗೆ ಭಾರತದ ವೀಸಾ ಸಿಗುವುದು ಅನುಮಾನವಾಗಿತ್ತು. ಆದರೆ ಭಾರತ ಸರ್ಕಾರ ವೀಸಾ ನೀಡುವ ಮೂಲಕ ಗೊಂದಲಕ್ಕೆ ತೆರೆ ಎಳೆದಿದೆ. ಕೂಟ ಜುಲೈ 6ರಿಂದ 9ರವರೆಗೆ ನಡೆಯಲಿದೆ. ಇದರಲ್ಲಿ ಸುಮಾರು 45 ದೇಶಗಳಿಂದ 800 ಅಥ್ಲೀಟ್‌ಗಳು  ಸ್ಪರ್ಧಿಸಲಿದ್ದಾರೆ.