ಕರಾಚಿ: ಪ್ರವಾಸಿ ದಕ್ಷಿಣ ಆಫ್ರಿಕಾ ಎದುರಿನ ಟಿ20 ಸರಣಿಗೆ ಪಾಕಿಸ್ಥಾನ ತಂಡ ಪ್ರಕಟ ಗೊಂಡಿದ್ದು, ಸ್ಟಾರ್‌ ಆಟಗಾರರನ್ನು ಕೈಬಿಡಲಾಗಿದೆ. ಇವರಲ್ಲಿ ಫಕಾರ್‌ ಜಮಾನ್‌, ವಹಾಬ್‌ ರಿಯಾಜ್‌ ಪ್ರಮುಖರು. ಜತೆಗೆ ಮೊಹಮ್ಮದ್‌ ಹಫೀಜ್‌, ಶಾದಾಬ್‌ ಖಾನ್‌, ಇಮಾದ್‌ ವಾಸಿಮ್‌ ಅವರನ್ನೂ ಹೊರಗಿರಿಸಲಾಗಿದೆ.
ಈ ಎಲ್ಲ ಆಟಗಾರರು ನ್ಯೂಜಿಲ್ಯಾಂಡ್‌ ವಿರುದ್ಧ ಆಡಲಾದ ಟಿ20 ಸರಣಿ ವೇಳೆ ಪಾಕ್‌ ತಂಡದಲ್ಲಿದ್ದರು. ಶಾದಾಬ್‌ ಖಾನ್‌ ನಾಯಕತ್ವದ ಪಾಕ್‌ ಈ ಸರಣಿಯನ್ನು 1-2 ಅಂತರದಿಂದ ಕಳೆದುಕೊಂಡಿತ್ತು.
ದಕ್ಷಿಣ ಆಫ್ರಿಕಾ ಎದುರಿನ ಸರಣಿಗಾಗಿ ನಾಲ್ವರು ಹೊಸಬರನ್ನು ಆರಿಸಲಾಗಿದೆ. ಇವರೆಂದರೆ ಎಡಗೈ ಸ್ಪಿನ್ನರ್‌ ಜಾಫರ್‌ ಗೋಹರ್‌, ಆಲ್‌ರೌಂಡರ್‌ ಅಮಾದ್‌ ಬಟ್‌, ದಾನಿಶ್‌ ಅಜೀಜ್‌ ಮತ್ತು ಲೆಗ್‌ಸ್ಪಿನ್ನರ್‌ ಝಾಹಿದ್‌ ಮೆಹಮೂದ್‌. ಸರಣಿಯ ಮೂರೂ ಪಂದ್ಯಗಳು ಲಾಹೋರ್‌ನ “ಕರ್ನಲ್‌ ಗದ್ಧಾಫಿ ಸ್ಟೇಡಿಯಂ’ನಲ್ಲಿ ನಡೆಯಲಿವೆ. ಸರಣಿ ಫೆ. 11ರಂದು ಆರಂಭವಾಗಲಿದೆ.
ಇದನ್ನೂ ಓದಿ:ತವರಲ್ಲಿ ಅತ್ಯಧಿಕ ಟೆಸ್ಟ್‌ ಗೆಲುವು : ದಾಖಲೆಯತ್ತ ವಿರಾಟ್‌ ಕೊಹ್ಲಿ
ಪಾಕಿಸ್ಥಾನ ತಂಡ
ಬಾಬರ್‌ ಆಜಂ, ಆಮಿರ್‌ ಯಾಮಿನ್‌, ಅಮಾದ್‌ ಬಟ್‌, ಆಸಿಫ್‌ ಅಲಿ, ದಾನಿಶ್‌ ಅಜೀಜ್‌, ಫಾಹಿಮ್‌ ಅಶ್ರಫ್‌, ಹೈದರ್‌ ಅಲಿ, ಹ್ಯಾರಿಸ್‌ ರವೂಫ್‌, ಹಸನ್‌ ಅಲಿ, ಹುಸೇನ್‌ ತಲತ್‌, ಇಫ್ತಿಕಾರ್‌ ಅಹ್ಮದ್‌, ಖುಶಿªಲ್‌ ಶಾ, ಮೊಹಮ್ಮದ್‌ ಹಸ್ನೇನ್‌, ಮೊಹಮ್ಮದ್‌ ನವಾಜ್‌, ಮೊಹಮ್ಮದ್‌ ರಿಜ್ವಾನ್‌, ಸಫìರಾಜ್‌ ಅಹ್ಮದ್‌, ಶಾಹೀನ್‌ ಅಫ್ರಿದಿ, ಉಸ್ಮಾನ್‌ ಖಾದಿರ್‌, ಜಾಫರ್‌ ಗೋಹರ್‌, ಝಾಹಿದ್‌ ಮೆಹಮೂದ್‌.
