ಕರಾಚಿ: ಪಾಕಿಸ್ತಾನದ ಯುವ ವೇಗಿ ಶಾಹೀನ್ ಅಫ್ರಿದಿ ಪಾಕ್‌ ನ ಮಾಜಿ ನಾಯಕ ಶಾಹಿದ್‌ ಅಫ್ರಿದಿ ಅವರ ಮಗಳನ್ನು ವರಿಸಿದ್ದಾರೆ. ಸುಂದರ ಕ್ಷಣಗಳಿಗೆ ಅನೇಕ ಅತಿಥಿ,ಗಣ್ಯರು ಸಾಕ್ಷಿಯಾಗಿ ನವಜೋಡಿಗೆ ಶುಭಾಶಯವನ್ನು ಕೋರಿ ಹಾರೈಸಿದ್ದಾರೆ.
ಕರಾಚಿಯಲ್ಲಿ ನಡೆದ ವಿವಾಹ ಕಾರ್ಯಕ್ರಮದಲ್ಲಿ ಪಾಕಿಸ್ತಾನ ಕ್ರಿಕೆಟ್‌ ತಂಡದ ಸದಸ್ಯರು ಸೇರಿದಂತೆ ಎರಡೂ ಕುಟುಂಬದ ಆಪ್ತರು ನೆರೆದಿದ್ದರು.
ವಿವಾಹ ಸಂಭ್ರಮದ ಫೋಟೋಗಳು ಸಂಜೆಯ ವೇಳೆ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದೆ. ಹೆಣ್ಣಿನ ಫೋಟೋವನ್ನು ಯಾರೂ ಕೂಡ ಹಂಚಿಕೊಳ್ಳದೇ ಇದ್ದರೂ, ಸಾಮಾಜಿಕ ಜಾಲತಾಣದಲ್ಲಿ ನವಜೋಡಿಯ ಫೋಟೋ ಸೋರಿಕೆಯಾಗಿದ್ದು, ಇದರಿಂದ ಶಾಹೀನ್ ಬೇಸರಗೊಂಡಿದ್ದಾರೆ.
ಮದುವೆ ಸಮಾರಂಭದಲ್ಲಿ ಮೊದಲೇ ಎಲ್ಲರೂ ತಮ್ಮ ಮೊಬೈಲ್‌ ಗಳನ್ನು ಸ್ವಿಚ್‌ ಆಫ್‌ ಮಾಡಿಕೊಳ್ಳಿ ಎಂದು ವಿನಂತಿಯನ್ನು ಮಾಡಿಕೊಂಡಿದ್ದರು. ಆದರೆ ಇಷ್ಟಾದರೂ ನವ ಜೋಡಿಯ ಜೋಡಿಯ ಫೋಟೋಗಳು ಸೋಶಿಯಲ್‌ ಮೀಡಿಯಾದಲ್ಲಿ ಲೀಕ್ ಆಗಿವೆ.
ಈ ಬಗ್ಗೆ ಟ್ವಿಟರ್‌ ನಲ್ಲಿ ಬೇಸರದಿಂದಲೇ ಪೋಸ್ಟ್‌ ಹಂಚಿಕೊಂಡಿರುವ ವರ ಶಾಹೀನ್ ನಮ್ಮ ವಿನಂತಿಗೆ ಸ್ಪಂದಿಸದೆ ನಮ್ಮ ಸುಂದರ ಕ್ಷಣದ, ನಮ್ಮ ಜೀವನದ ಬಹುಮುಖ್ಯ ದಿನದ ಪೋಟೋಗಳನ್ನು ಹಂಚಿಕೊಂಡಿದ್ದಾರೆ. ಇದರಿಂದ ನನಗೂ ಹಾಗೂ ನನ್ನ ಪತ್ನಿಯ ಗೌಪ್ಯತೆಗೆ ಧಕ್ಕೆಯಾಗಿದೆ. ದಯವಿಟ್ಟು ಈ ರೀತಿ ಮಾಡಬೇಡಿ. ನಮ್ಮ ಮಾತಿಗೆ ಸಹಕರಿಸಿ ಎಂದು ಬರೆದುಕೊಂಡಿದ್ದಾರೆ.
ಶಾಹೀದ್‌ ಅಫ್ರಿದಿ ಮಗಳ ಸೇರಿದಂತೆ ಅನೇಕರು ನಮ ಜೋಡಿಯ ಫೋಟೋವನ್ನು ಹಂಚಿಕೊಂಡಿದ್ದರು. ಆದರೆ ಎಲ್ಲೂ ಕೂಡ ವಧುವಿನ ಮುಖವನ್ನು ತೋರಿಸಿರಲಿಲ್ಲ. ಆದರೆ ಇಷ್ಟಾದರೂ ಅಕ್ಸಾ ಹಾಗೂ ಶಾಹೀನ್ ಅವರ ಫೋಟೋಗಳು ಸೋರಿಕೆಯಾಗಿದ್ದವು.
