ಒಂದು ವಾರ ಬೆಂಗಳೂರಿಗೆ ಮಾತ್ರ ವಿಮಾನ

ಮಂಗಳೂರು: ದೇಶೀಯ ವಿಮಾನ ಸಂಚಾರ ಆರಂಭವಾಗಿದ್ದರೂ ಮುಂದಿನ ಒಂದು ವಾರ ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಬೆಂಗಳೂರಿಗೆ ಮಾತ್ರ ವಿಮಾನ ಸೇವೆ ಇರಲಿದೆ ಎಂದು ಮೂಲಗಳು ತಿಳಿಸಿವೆ.

ವೇಳಾಪಟ್ಟಿಯ ಪ್ರಕಾರ ಮುಂಬಯಿ ಹಾಗೂ ಚೆನ್ನೈಗೆ ಮಂಗಳೂರಿನಿಂದ ವಿಮಾನ ಸಂಚಾರದ ಬಗ್ಗೆ ಪ್ರಕಟಿಸಿದ್ದರೂ ಮುಂದಿನ 1 ವಾರ ಈ ವಿಮಾನ ಸೇವೆ ದೊರಕುವುದು ಬಹುತೇಕ ಅನುಮಾನ ಎನ್ನಲಾಗಿದೆ. ಇಂಡಿಗೋದಿಂದ ಪ್ರತೀ ದಿನ ಬೆಂಗಳೂರು-ಮಂಗಳೂರು ಸಂಚಾರ ಇರಲಿದೆ. ಸ್ಪೈಸ್‌ಜೆಟ್‌ ಕೂಡ ಪ್ರತೀದಿನ ಬೆಂಗಳೂರು-ಮಂಗಳೂರು ಮಧ್ಯೆ ಸಂಚಾರ ನಡೆಸಲಿದೆ. ರವಿವಾರವೂ ಮಂಗಳೂರು-ಬೆಂಗಳೂರು ಮಧ್ಯೆ 2 ವಿಮಾನಗಳು ಸಂಚರಿಸಿದವು.