ಮೋದಿ ಭೇಟಿಗೆ ಮುನ್ನ ಮ್ಯಾನ್‌ಮಾರ್‌ಗೆ ಭಾರತದ ಡೀಸಿಲ್‌

ನೇ ಪೀ ತಾವ್‌ : ಭಾರತ ರವಾನಿಸಿರುವ ಹೈಸ್ಪೀಡ್‌ ಡೀಸಿಲ್‌ನ ಮೊದಲ ಕಂತು ಇದೇ ಸೆ.3ರ ಭಾನುವಾರ ಮ್ಯಾನ್‌ಮಾರ್‌ ತಲುಪಲಿದೆ ಎಂದು ಪರಮಿ ಎನರ್ಜಿ ಗ್ರೂಪ್‌ ಸಿಇಓ ಕೆನ್‌ ತುನ್‌ ಹೇಳಿದ್ದಾರೆ. 

ಭಾರತದ ನುಮಾಲಿಗಢ ರಿಫೈನರೀಸ್‌ ಅಥವಾ ಎನ್‌ಆರ್‌ಎಲ್‌ ಜತೆಗಿನ ಜಂಟಿ ಔದ್ಯಮಿಕ ಒಪ್ಪಂದದ ಪ್ರಕಾರ ತನ್ನ ಸಮೂಹವು ಭಾರತದಿಂದ ಡೀಸಿಲ್‌ ಆಮದಿಸಿಕೊಳ್ಳುತ್ತಿದೆ ಎಂದು ಕೆನ್‌ ತುನ್‌ ಅವರು ಮಿಝಿಮಾ ನ್ಯೂಸ್‌ಗೆ ಹೇಳಿದ್ದಾರೆ. 

ಚೀನದ ಕ್ಸಿಯಾಮೆನ್‌ನಲ್ಲಿ ನಡೆಯಲಿರುವ ಬ್ರಿಕ್ಸ್‌ ಶೃಂಗದಲ್ಲಿ ಪಾಲ್ಗೊಂಡು ಸೆ.5ರಂದು ಮೂರು ದಿನಗಳ ಭೇಟಿಗಾಗಿ ಪ್ರಧಾನಿ ನರೇಂದ್ರ ಮೋದಿ ಮ್ಯಾನ್‌ಮಾರ್‌ಗೆ ಬರಲಿದ್ದಾರೆ. ಅದಕ್ಕೆ ಮೊದಲೇ ಭಾರತದ ಡೀಸಿಲ್‌ ಮೊದಲ ಕಂತು ಮ್ಯಾನ್‌ಮಾರ್‌ ತಲುಪುವುದು ಸದ್ಭಾವನೆಯ ಅಂಗವಾಗಿದೆ ಎಂದು ಕೆನ್‌ ಹೇಳಿರು.