ಒಮಿಕ್ರಾನ್‌ ಭೀತಿ: ವಿಶ್ವ ಬ್ಯಾಡ್ಮಿಂಟನ್‌ಕೂಟದಿಂದ ಇಂಡೋನೇಶ್ಯ ಹಿಂದಕ್ಕೆ

ಬಾಲಿ: ಒಮಿಕ್ರಾನ್‌ ಭೀತಿಯಿಂದ ಇಂಡೋನೇಶ್ಯ ತಂಡ ವಿಶ್ವ ಬ್ಯಾಡ್ಮಿಂಟನ್‌ ಚಾಂಪಿಯನ್‌ಶಿಪ್‌ನಿಂದ ಹಿಂದೆ ಸರಿದಿದೆ. ಈ ಪಂದ್ಯಾವಳಿ ರವಿವಾರದಿಂದ ಸ್ಪೇನ್‌ನಲ್ಲಿ ಆರಂಭವಾಗಲಿದೆ.

“ನಾವು ಯಾವುದೇ ಅಪಾಯವನ್ನು ಆಹ್ವಾನಿಸಿಕೊಳ್ಳಲು ಬಯಸುವುದಿಲ್ಲ. ಆಟಗಾರರ ಸುರಕ್ಷತೆ ನಮಗೆ ಮುಖ್ಯ. ಅವರೊಂದಿಗೂ ನಾವು ಮಾತುಕತೆ ನಡೆಸಿದ್ದೇವೆ. ಅವರು ಕೂಡ ಪಂದ್ಯಾವಳಿಯಿಂದ ಹಿಂದೆ ಸರಿಯಲು ಒಪ್ಪಿದ್ದಾರೆ’ ಎಂದು ಆಲ್‌ ಇಂಡೋನೇಶ್ಯನ್‌ ಬ್ಯಾಡ್ಮಿಂಟನ್‌ ಫೆಡರೇಶನ್‌ ಪ್ರಕಟನೆಯಲ್ಲಿ ತಿಳಿಸಿದೆ.

ಭಾರತ ಈ ಕೂಟದಲ್ಲಿ ಆಡುವುದನ್ನು ದೃಢಪಡಿಸಿದೆ. ಪಿ.ವಿ. ಸಿಂಧು ಬಾಲಿಯಿಂದಲೇ ಸ್ಪೇನ್‌ಗೆ ತೆರಳಲಿದ್ದಾರೆ.

ಇದನ್ನೂ ಓದಿ:ಟೆಸ್ಟ್‌ ಸರಣಿ: ಬಾಂಗ್ಲಾದೇಶ ವಿರುದ್ಧ ಪಾಕಿಸ್ಥಾನಕ್ಕೆ ಇನ್ನಿಂಗ್ಸ್‌ ಗೆಲುವು

ಮೊಮೊಟ ಗಾಯಾಳು
ಹಾಲಿ ಚಾಂಪಿಯನ್‌, ಜಪಾನಿನ ಕೆಂಟೊ ಮೊಮೊಟ ಗಾಯದ ಕಾರಣದಿಂದ ಈ ಕೂಟದಿಂದ ದೂರ ಉಳಿಯಲು ನಿರ್ಧರಿಸಿದ್ದಾರೆ.