ODI; ನಿರ್ಣಾಯಕ ಪಂದ್ಯಕ್ಕೆ ಮಳೆ ಕಾಟ: ಸರಣಿ ಗೆದ್ದ ಆಸ್ಟ್ರೇಲಿಯ

ಬ್ರಿಸ್ಟಲ್‌: ಇಂಗ್ಲೆಂಡ್‌ ಎದುರಿನ 5 ಪಂದ್ಯಗಳ ಏಕದಿನ ಸರಣಿ ಯನ್ನು ಆಸ್ಟ್ರೇಲಿಯ 3-2 ಅಂತರದಿಂದ ತನ್ನದಾಗಿಸಿಕೊಂಡಿದೆ. ಮಳೆಪೀಡಿತ 5ನೇ ಹಾಗೂ ನಿರ್ಣಾ ಯಕ ಪಂದ್ಯವನ್ನು ಆಸೀಸ್‌ ಡಿಎಲ್‌ಎಸ್‌ ನಿಯಮದಂತೆ 49 ರನ್ನುಗಳಿಂದ ಗೆದ್ದು ಸರಣಿ ಮೇಲೆ ಹಕ್ಕು ಸ್ಥಾಪಿಸಿತು.

ಆರಂಭಕಾರ ಬೆನ್‌ ಡಕೆಟ್‌ ಅವರ 107 ರನ್‌ ಸಾಹಸದಿಂದ ಇಂಗ್ಲೆಂಡ್‌ 49.2 ಓವರ್‌ಗಳಲ್ಲಿ 309 ರನ್ನುಗಳ ಸವಾಲಿನ ಮೊತ್ತವನ್ನೇ ಪೇರಿಸಿತ್ತು. ಆದರೆ ಮಳೆಯ ಮುನ್ಸೂಚನೆ ಅರಿತ ಆಸ್ಟ್ರೇಲಿಯ ಬಿರುಸಿನ ಆಟಕ್ಕೆ ಮುಂದಾ ಯಿತು. 20.4 ಓವರ್‌ ವೇಳೆ ಮಳೆ ಸುರಿದ ಪರಿಣಾಮ ಆಟ ಮುಂದು ವರಿಯ ಲಿಲ್ಲ. ಆಗ ಆಸೀಸ್‌ 2 ವಿಕೆಟಿಗೆ 165 ರನ್‌ ಗಳಿಸಿತ್ತು. ಡಿಎಲ್‌ಎಸ್‌ ನಿಯಮ ದಂತೆ 49 ರನ್‌ ಮುನ್ನಡೆಯಲ್ಲಿತ್ತು.

ಚೇಸಿಂಗ್‌ ವೇಳೆ ಮ್ಯಾಥ್ಯೂ ಶಾರ್ಟ್‌ 30 ಎಸೆತಗಳಿಂದ 58, ಟ್ರ್ಯಾವಿಸ್‌ ಹೆಡ್‌ 31, ಸ್ಟೀವನ್‌ ಸ್ಮಿತ್‌ ಅಜೇಯ 36 ಹಾಗೂ ಜೋಶ್‌ ಇಂಗ್ಲಿಸ್‌ ಅಜೇಯ 28 ರನ್‌ ಬಾರಿಸಿದರು.

ಹೆಡ್‌ ಆಲ್‌ರೌಂಡ್‌ ಶೋ
ಪಾರ್ಟ್‌ಟೈಮ್‌ ಬೌಲರ್‌ ರೂಪದಲ್ಲಿ ದಾಳಿಗಿಳಿದ ಟ್ರ್ಯಾವಿಸ್‌ ಹೆಡ್‌ 28 ರನ್‌ ವೆಚ್ಚದಲ್ಲಿ 4 ವಿಕೆಟ್‌ ಕೂಡ ಉಡಾ ಯಿಸಿದರು. ಈ ಸಾಹಸಕ್ಕೆ ಪಂದ್ಯಶ್ರೇಷ್ಠ ಗೌರವ ಒಲಿಯಿತು. ಸರಣಿಶ್ರೇಷ್ಠ ಪ್ರಶಸ್ತಿ ಕೂಡ ಹೆಡ್‌ ಪಾಲಾಯಿತು.