ಇಂದು ನ್ಯೂಜಿಲ್ಯಾಂಡ್‌-ಪಾಕ್‌ ಫೈನಲ್‌  

ಕ್ರೈಸ್ಟ್‌ಚರ್ಚ್‌: ಆತಿಥೇಯ ನ್ಯೂಜಿಲ್ಯಾಂಡ್‌ ಮತ್ತು ಪಾಕಿಸ್ಥಾನ ನಡುವೆ ಶುಕ್ರವಾರ ಟಿ20 ತ್ರಿಕೋನ ಸರಣಿಯ ಫೈನಲ್‌ ಹಣಾಹಣಿ ಏರ್ಪಡಲಿದೆ.

ಎರಡೂ ತಂಡಗಳು ಆಡಿದ 4 ಪಂದ್ಯಗಳಲ್ಲಿ ಮೂರನ್ನು ಗೆದ್ದು 6 ಅಂಕ ಗಳಿಸಿವೆ. ನ್ಯೂಜಿಲ್ಯಾಂಡ್‌ ರನ್‌ರೇಟ್‌ನಲ್ಲಿ ಮುಂದಿದ್ದ ಕಾರಣ ಅಗ್ರಸ್ಥಾನಿಯಾಯಿತು. ಮತ್ತೂಂದು ತಂಡವಾದ ಬಾಂಗ್ಲಾದೇಶ ಆಡಿದ ನಾಲ್ಕೂ ಪಂದ್ಯಗಳಲ್ಲಿ ಸೋಲನುಭವಿಸಿತು.

ಗುರುವಾರದ ಅಂತಿಮ ಲೀಗ್‌ ಪಂದ್ಯದಲ್ಲಿ ಪಾಕಿಸ್ಥಾನ 7 ವಿಕೆಟ್‌ಗಳಿಂದ ಬಾಂಗ್ಲಾವನ್ನು ಮಣಿಸಿತು. ಬಾಂಗ್ಲಾ 6 ವಿಕೆಟಿಗೆ 173 ರನ್‌ ಪೇರಿಸಿ ಗೆಲುವಿನ ಖಾತೆ ತೆರೆಯುವ ನಿರೀಕ್ಷೆಯಲ್ಲಿತ್ತು. ಆದರೆ ಪಾಕಿಸ್ಥಾನದ ಸ್ಟಾರ್‌ ಓಪನರ್‌ಗಳಾದ ರಿಜ್ವಾನ್‌ (69) ಮತ್ತು ಬಾಬರ್‌ (55) ಇದಕ್ಕೆ ಅವಕಾಶ ಕೊಡಲಿಲ್ಲ.