ನ್ಯಾಶನಲ್‌ ಬ್ಯಾಂಕ್‌ ಓಪನ್‌ ಟೂರ್ನಿ ಯಿಂದ ಹೊರಗುಳಿಯಲು ನಿರ್ಧರಿಸಿದ ಜೊಕೋ

ಟೊರೊಂಟೊ: ಸ್ಟಾರ್‌ ಟೆನಿಸಿಗ ನೊವಾಕ್‌ ಜೊಕೋವಿಕ್‌ ಟೊರೊಂಟೊದಲ್ಲಿ ನಡೆಯುವ “ನ್ಯಾಶನಲ್‌ ಬ್ಯಾಂಕ್‌ ಓಪನ್‌’ ಟೂರ್ನಿ ಯಿಂದ ಹೊರಗುಳಿಯಲು ನಿರ್ಧರಿಸಿದ್ದಾರೆ. “ಟೆನಿಸ್‌ ಕೆನಡಾ’ ಈ ಸುದ್ದಿಯನ್ನು ಬಿತ್ತರಿಸಿದೆ.

ವಿಂಬಲ್ಡನ್‌ ಫೈನಲ್‌ನಲ್ಲಿ ಕಾರ್ಲೋಸ್‌ ಅಲ್ಕರಾಜ್‌ಗೆ ಶರಣಾದ ಬಳಿಕ ತನಗೆ ಜಾಸ್ತಿ ವಿಶ್ರಾಂತಿ ಅಗತ್ಯವಿದೆ ಎಂಬುದಾಗಿ ಜೊಕೋವಿಕ್‌ ಹೇಳಿದ್ದಾರೆ ಎಂಬುದಾಗಿ “ಟೆನಿಸ್‌ ಕೆನಡಾ’ ತಿಳಿಸಿದೆ. ಜೊಕೋವಿಕ್‌ ಗೈರಲ್ಲಿ ಅಮೆರಿಕದ ಕ್ರಿಸ್ಟೋಫ‌ರ್‌ ಯುಬ್ಯಾಂಕ್ಸ್‌ ಆಡುವ ಅವಕಾಶ ಪಡೆದಿದ್ದಾರೆ. ಯುಬ್ಯಾಂಕ್ಸ್‌ ಕಳೆದ ವಿಂಬಲ್ಡನ್‌ನಲ್ಲಿ ಕ್ವಾರ್ಟ್‌ರ್‌ ಫೈನಲ್‌ ತನಕ ಸಾಗಿದ್ದರು. ಈ ಹಾದಿಯಲ್ಲಿ ಅವರು 5ನೇ ಶ್ರೇಯಾಂಕದ ಸ್ಟೆಫ‌ನಸ್‌ ಸಿಸಿಪಸ್‌, 12ನೇ ಶ್ರೇಯಾಂಕದ ಕಾಮ್‌ ನೂರಿ ಅವರಿಗೆ ಸೋಲುಣಿಸಿದ್ದರು.

“ನಾನು ಯಾವತ್ತೂ ಕೆನಡಾ ಕೂಟವನ್ನು ಆನಂದಿಸುತ್ತೇನೆ. ವಿಶ್ರಾಂತಿಯ ಜತೆಗೆ ಮುಂದಿನ ಯುಎಸ್‌ ಓಪನ್‌ ಪಂದ್ಯಾವಳಿಗೆ ಹೆಚ್ಚಿನ ಸಿದ್ಧತೆ ಮಾಡಿಕೊಳ್ಳುವುದು ನನ್ನ ಯೋಜನೆ. ಮುಂದಿನ ದಿನಗಳಲ್ಲಿ ಟೊರೊಂಟೊ ಕೂಟದಲ್ಲಿ ಖಂಡಿತ ಆಡಲಿದ್ದೇನೆ. ನನ್ನ ಈ ನಿರ್ಧಾರವನ್ನು ಸಮ್ಮತಿಸಿದ ಕೂಟದ ನಿರ್ದೇಶಕ ಕಾರ್ಲ್ ಹಾಲೆ ಅವರಿಗೆ ಕೃತಜ್ಞತೆಗಳು’ ಎಂಬುದಾಗಿ ಜೊಕೋವಿಕ್‌ ಹೇಳಿದ್ದಾರೆ. ಪಂದ್ಯಾವಳಿ ಆ. 3ರಿಂದ 13ರ ತನಕ ನಡೆಯಲಿದೆ.