Advertisement

ಕುಪ್ರಸಿದ್ಧ ಶಾರ್ಪ್‌ ಶೂಟರ್‌ ಎನ್‌ಕೌಂಟರ್‌ನಲ್ಲಿ ಮಟಾಶ್‌

04:37 PM Feb 07, 2018 | Team Udayavani |

ಮೀರತ್‌, ಉತ್ತರ ಪ್ರದೇಶ : ತನ್ನ ತಲೆಗೆ 50,000 ರೂ. ಇನಾಮು ಹೊಂದಿದ್ದ ಕುಪ್ರಸಿದ್ಧ ಶಾರ್ಪ್‌ ಶೂಟರ್‌ ವಿಕಾಸ್‌ ಜಾಟ್‌ ಎಂಬಾತ  ಜಿಲ್ಲೆಯ ರೊಹಾನಾ ಸಮೀಪ ಪೊಲೀಸ್‌ ಎನ್‌ಕೌಂಟರ್‌ನಲ್ಲಿ ಹತನಾದನೆಂದು ಪೊಲೀಸರು ಇಂದು ಬುಧವಾರ ತಿಳಿಸಿದ್ದಾರೆ.

Advertisement

ಶಾರ್ಪ್‌ ಶೂಟರ್‌ ವಿಕಾಸ್‌ ಜಾಟ್‌ ಅಡಗಿಕೊಂಡಿರುವ ನಿರ್ದಿಷ್ಟ ತಾಣದ ಬಗ್ಗೆ ಮಾಹಿತಿ ಪಡೆದ ಪೊಲೀಸರು ಸ್ಥಳಕ್ಕೆ ಧಾವಿಸಿದರು. ಪೊಲೀಸರೊಂದಿಗೆ ಗುಂಡಿನ ಕಾಳಗಕ್ಕೆ ಇಳಿದ ಆತ ಪೊಲೀಸರ ಗುಂಡೇಟಿಗೆ ಹತನಾದ; ಆದರೆ ಆತನ ಸಹಚರ ಎಸ್ಕೇಪ್‌ ಆದ. ಎಸ್‌ಐ ವಿನಯ್‌ ಶರ್ಮಾ ಮತ್ತು ಕಾನ್‌ಸ್ಟೆಲ್‌ ಅಮಿತ್‌ ಕುಮಾರ್‌ ಅವರಿಗೆ ಗುಂಡೇಟಿನ ಗಾಯಗಳಾಗಿವೆ ಎಂದು ಪೊಲೀಸ್‌ ಸುಪರಿಂಟೆಂಡೆಂಟ್‌ ಓಂವೀರ್‌ ಸಿಂಗ್‌ ತಿಳಿಸಿದರು. 

ಪೊಲೀಸರು ಎರಡು ಪಿಸ್ತೂಲು, ಒಂದು ಬೈಕು ಮತ್ತು ಮದ್ದುಗುಂಡುಗಳನ್ನು ಸ್ಥಳದಿಂದ ವಶಪಡಿಸಿಕೊಂಡಿದ್ದಾರೆಂದು ಅವರು ಹೇಳಿದರು. 

ಶಾರ್ಪ್‌ ಶೂಟರ್‌ ವಿಕಾಸ್‌ ಜಾಟ್‌, ಮೀರತ್‌ನಲ್ಲಿ ಒಬ್ಬ ವ್ಯಕ್ತಿ ಹಾಗೂ ಆತನ ತಾಯಿಯನ್ನು ಕೊಂದ ಕೇಸಿನಲ್ಲಿ ಪೊಲೀಸರಿಗೆ ಬೇಕಾದವನಾಗಿದ್ದ.

Advertisement

Udayavani is now on Telegram. Click here to join our channel and stay updated with the latest news.

Next