Advertisement
ನೇತ್ರಾವತಿ ನದಿ ಜಲಾನಯನ ಪ್ರದೇಶ ಗಳಲ್ಲಿ ಉತ್ತಮ ಮಳೆಯಾಗುತ್ತಿರುವ ಕಾರಣದಿಂದ ತುಂಬೆ ಡ್ಯಾಂನಲ್ಲಿ ನೀರಿನ ಪ್ರಮಾಣವೂ ಹಂತ ಹಂತವಾಗಿ ಏರಿಕೆ ಕಾಣುತ್ತಿದೆ. ಎಎಂಆರ್‌ ಡ್ಯಾಂನಲ್ಲಿ ನೀರು ಸಂಗ್ರಹ ಉತ್ತಮ ವಾಗಿರುವ ಕಾರಣದಿಂದ ಸೋಮವಾರ ಮುಂಜಾನೆಯಿಂದ ಅಲ್ಲಿಂದ ನೀರು ಹೊರಗೆ ಬಿಡಲಾಗುತ್ತಿದೆ. ಹೀಗಾಗಿ ಮಂಗಳವಾರ ತುಂಬೆ ಡ್ಯಾಂನಲ್ಲಿ ನೀರಿನ ಮಟ್ಟ ಮತ್ತೆ ಏರಿಕೆಯಾಗಲಿದೆ.2019ರ ಮೇ 11ರಂದು ತುಂಬೆ ಡ್ಯಾಂನಲ್ಲಿ 4.05 ಮೀಟರ್‌, 2018ರ ಮೇ 11ರಂದು 6 ಮೀಟರ್‌ ನೀರು ಸಂಗ್ರಹವಿತ್ತು. ಈ ವರ್ಷ 4.87 ಮೀಟರ್‌ ನೀರು ಸಂಗ್ರಹವಿದೆ. ಎಎಂಆರ್‌ನಲ್ಲಿ ಸದ್ಯ 17.96 ಮೀಟರ್‌ ನೀರು ಸಂಗ್ರಹವಿದೆ.
ನೇತ್ರಾವತಿ ನದಿ ಜಲಾನಯನ ಪ್ರದೇಶಗಳಲ್ಲಿ ಉತ್ತಮ ಮಳೆಯಾಗುತ್ತಿರುವ ಕಾರಣದಿಂದ ತುಂಬೆ ಡ್ಯಾಂನಲ್ಲಿಯೂ ನೀರಿನ ಪ್ರಮಾಣ ಏರಿಕೆ ಹಂತದಲ್ಲಿದೆ. ಈಗಿನ ಸ್ಥಿತಿಯನ್ನು ಗಮನಿಸುವಾಗ ಈ ಬಾರಿ ಮಂಗಳೂರಿಗೆ ನೀರು ರೇಶನಿಂಗ್‌ ಮಾಡುವ ಪ್ರಮೇಯ ಎದುರಾಗಲಾರದು.
-ಶಾನಾಡಿ ಅಜಿತ್‌ ಕುಮಾರ್‌ ಹೆಗ್ಡೆ, ಆಯುಕ್ತ, ಮನಪಾ