ರಷ್ಯಾ ತೈಲ ಖರೀದಿ ಬೇಡ ಎಂದು ಒತ್ತಡ ಹೇರಿಲ್ಲ: ಸಚಿವ ಹರ್ದೀಪ್ ಸಿಂಗ್ ಪುರಿ

ವಾಷಿಂಗ್ಟನ್‌: ಉಕ್ರೇನ್‌ ಮೇಲೆ ಯುದ್ಧ ಘೋಷಿಸಿರುವ ರಷ್ಯಾದಿಂದ ತೈಲ ಆಮದು ಮಾಡಿಕೊಳ್ಳಬೇಡಿ ಎಂದು ಭಾರತಕ್ಕೆ ಯಾವುದೇ ರಾಷ್ಟ್ರಗಳು ಹೇಳಿಲ್ಲ…

ಹೀಗೆಂದು ಹೇಳಿರುವುದು ಕೇಂದ ಪೆಟ್ರೋಲಿಯಂ ಸಚಿವ ಹರ್ದೀಪ್ ಸಿಂಗ್ ಪುರಿ. ಅವರು ಅಮೆರಿಕ ರಾಜಧಾನಿ ವಾಷಿಂಗ್ಟನ್‌ನಲ್ಲಿ ಭಾರತೀಯ ಪತ್ರಕರ್ತರೊಂದಿಗೆ ಮಾತನಾಡಿದ ಅವರು, ಯಾವ ದೇಶಗಳಿಂದ ಕಚ್ಚಾ ತೈಲ ಸಿಗುತ್ತದೋ ಅಲ್ಲಿಂದ ಖರೀದಿ ಮಾಡಲು ಭಾರತ ಸಿದ್ಧವಿದೆ.

ರಷ್ಯಾದಿಂದ ಯಾಕೆ ತರಿಸಿಕೊಳ್ಳಬೇಕು, ತರಿಸಿಕೊಳ್ಳಬಾರದು ಎಂಬ ಚರ್ಚೆಗಳನ್ನು ಜನಸಾಮಾನ್ಯರೊಂದಿಗೆ ಮಾಡಲು ಸಾಧ್ಯವಿಲ್ಲ. ಅವರಿಗೆ ನಾವು ಅವರ ಅಗತ್ಯವನ್ನು ಪೂರೈಸಬೇಕು ಅಷ್ಟೇ ಎಂದು ಹರ್ದೀಪ್ ಪುರಿ ಹೇಳಿದ್ದಾರೆ.

ಸದ್ಯ ಭಾರತ, ರಷ್ಯಾದಿಂದ ಗರಿಷ್ಠ ತೈಲವನ್ನು ಆಮದು ಮಾಡಿಕೊಳ್ಳುತ್ತಿರುವ ವಿಶ್ವದ 2ನೇ ರಾಷ್ಟ್ರ. ಚೀನ ಮೊದಲ ಸ್ಥಾನದಲ್ಲಿದೆ. ಉಕ್ರೇನ್‌ ಮೇಲೆ ಯುದ್ಧ ಘೋಷಿಸಿದ ತಕ್ಷಣ ಪಾಶ್ಚಾತ್ಯ ದೇಶಗಳು ರಷ್ಯಾದಿಂದ ತೈಲ ಆಮದನ್ನು ನಿಲ್ಲಿಸಿವೆ.