Putin- Trump: ಮಧ್ಯೆ ದೂರವಾಣಿ ಸಂಭಾಷಣೆ ನಡೆದಿಲ್ಲ: ರಷ್ಯಾ ಸರ್ಕಾರ

ವಾಷಿಂಗ್ಟನ್‌: ಅಮೆರಿಕದ ನಿಯೋಜಿತ ಅಧ್ಯಕ್ಷ ಡೋನಾಲ್ಡ್‌ ಟ್ರಂಪ್‌ ರಷ್ಯಾ ಅಧ್ಯಕ್ಷ ವ್ಲಾದಿಮಿರ್‌ ಪುಟಿನ್‌ ಜತೆ ದೂರವಾಣಿ ಕರೆ ಮಾಡಿ, ಉಕ್ರೇನ್‌- ರಷ್ಯಾ ಯುದ್ಧ ಕುರಿತು ಮಾತನಾಡಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿದ್ದವು. ಆದರೆ, ಈ ವರದಿಯನ್ನು ರಷ್ಯಾ ಸರ್ಕಾರದ ವಕ್ತಾರ ಡಿಮಿಟ್ರಿ ಪೆಸ್ಕೋಪ್‌ ಅಲ್ಲಗಳೆದಿದ್ದಾರೆ.

ಟ್ರಂಪ್‌ ಮತ್ತು ಪುಟಿನ್‌ ಮಧ್ಯೆ ದೂರವಾಣಿ ಕರೆ ಸಂಭಾಷಣೆ ನಡೆದಿದೆ ಎಂಬ ಪಾಶ್ಚಿಮಾತ್ಯಗಳ ಮಾಧ್ಯಮಗಳ ವರದಿ ಸಂಪೂರ್ಣವಾಗಿ ಸುಳ್ಳು. ಅಂಥ ಯಾವ ಬೆಳವಣಿಗೆಗಳು ನಡೆದಿಲ್ಲ ಎಂದು ಹೇಳಿದ್ದಾರೆ. ಅಮೆರಿಕದ “ವಾಷಿಂಗ್ಟನ್‌ ಪೋಸ್ಟ್‌’ ಪತ್ರಿಕೆ ಭಾನುವಾರ ಉಕ್ರೇನ್‌ ಯುದ್ಧ ಹೆಚ್ಚಿಸದಂತೆ ಟ್ರಂಪ್‌, ಪುಟಿನ್‌ಗೆ ಹೇಳಿದ್ದಾರೆಂದು ವರದಿ ಮಾಡಿತ್ತು. ಹಾಗಾಗಿ, ಇದು ಭಾರೀ ಚರ್ಚೆಗೆ ಕಾರಣವಾಗಿತ್ತು.