Bangladesh Unrest; ಲಂಡನ್‌ ಗಿಲ್ಲ ಪ್ರವೇಶ: ಸದ್ಯಕ್ಕೆ ದೇಶದಲ್ಲೇ ಹಸೀನಾ ಠಿಕಾಣಿ!

ಹೊಸದಿಲ್ಲಿ: ಪ್ರಧಾನಿ ಹುದ್ದೆಗೆ ರಾಜೀನಾಮೆ ನೀಡಿದ ಬಳಿಕ ಲಂಡನ್‌ಗೆ ತೆರಳುವ ಶೇಖ್‌ ಹಸೀನಾ ಪ್ಲ್ರಾನ್‌ ಉಲ್ಟಾ ಆಗಿದೆ. ಹೀಗಾಗಿ ಇನ್ನೂ ಕೆಲವು ದಿನಗಳ ಕಾಲ ಅವರು ಭಾರತದಲ್ಲೇ ಉಳಿದುಕೊಳ್ಳಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

“ಬಾಂಗ್ಲಾದಲ್ಲಿ ಹಿಂಸಾಚಾರಕ್ಕೆ ಹಲವು ಮುಗ್ಧ ಜೀವಗಳು ಬಲಿಯಾಗಿವೆ. ಈ ಕುರಿತು ವಿಶ್ವಸಂಸ್ಥೆ ನೇತೃತ್ವದಲ್ಲಿ ಸ್ವತಂತ್ರ ಹಾಗೂ ಸವಿಸ್ತಾರ ತನಿಖೆ ನಡೆಯಬೇಕಾದ ಅನಿವಾರ್ಯತೆ ಇದೆ’ ಎಂದು ಬ್ರಿಟನ್‌ ವಿದೇಶಾಂಗ ಸಚಿವ ಡೇವಿಡ್‌ ಲ್ಯಾಮ್ಮಿ ಹೇಳಿದ್ದರು. ಅಲ್ಲದೇ ಹಸೀನಾ ಅವರಿಗೆ ಕಾನೂನಾತ್ಮಕ ರಕ್ಷಣೆ ಒದಗಿಸಲು ಅಥವಾ ಆಶ್ರಯ ನೀಡಲು ಸಾಧ್ಯವಿಲ್ಲ ಎಂದು ಬ್ರಿಟನ್‌ ಸರ್ಕಾರ ಹೇಳಿತ್ತು.

ಬ್ರಿಟನ್‌ ಸರ್ಕಾರದ ಈ ನಡೆಯಿಂದ ಹಸೀನಾ ಅವರು ಗೊಂದಲ ಕ್ಕೊಳಗಾಗಿದ್ದು, ಸ್ಪಷ್ಟತೆ ಇಲ್ಲದ ಕಾರಣ ಮುಂದಿನ ಕೆಲ ದಿನಗಳ ಕಾಲ ಭಾರತದಲ್ಲೇ ಉಳಿಯಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಹಸೀನಾ ಅವರ ಸೋದರಿ ಶೇಖ್‌ ರೆಹಾನಾ ಅವರ ಪುತ್ರಿ ಟುಲಿಪ್‌ ಸಿದ್ಧಿಕ್‌ ಲಂಡನ್‌ ಪಾರ್ಲಿಮೆಂಟ್‌ ಸದಸ್ಯೆಯಾಗಿರುವ ಕಾರಣ ಹಸೀನಾ ಬ್ರಿಟನ್‌ಗೆ ತೆರಳುವ ಯೋಜನೆ ರೂಪಿಸಿದ್ದರು.