Advertisement
ಬ್ರಝಿಲ್ ತನ್ನ ಈ ಗೆಲುವನ್ನು ಹಾಸಿಗೆ ಹಿಡಿದಿರುವ ಲೆಜೆಂಡ್ರಿ ಆಟಗಾರ ಪೀಲೆಗೆ ಅರ್ಪಿಸಿತು. ಪೀಲೆ ಕೂಡ ಚೇತರಿಸಿಕೊಳ್ಳುತ್ತಿರುವ ಸುದ್ದಿ ಬಂದಿರುವುದು ಬ್ರಝಿಲ್ ಸಂತಸವನ್ನು ಇಮ್ಮಡಿಗೊಳಿಸಿದೆ.
Related Articles
ಅತ್ಯಂತ ಆಕ್ರಮಣಕಾರಿ ಪ್ರದ ರ್ಶನ ನೀಡಿದ ಬ್ರಝಿಲ್ ತನ್ನ ನಾಲ್ಕೂ ಗೋಲುಗಳನ್ನು ಬರೀ 36 ನಿಮಿಷಗಳಲ್ಲಿ ಸಿಡಿಸಿತು. 7ನೇ ನಿಮಿಷದಲ್ಲೇ ವಿನ್ಸಿಯಸ್ ಜೂನಿ ಯರ್ ಖಾತೆ ತೆರೆದರು. 10ನೇ ನಿಮಿಷದಲ್ಲಿ ನೇಮರ್ ಮ್ಯಾಜಿಕ್ ಮಾಡಿದರು. ನೇಮರ್ ಈ ವಿಶ್ವಕಪ್ ಕೂಟದಲ್ಲಿ ಹೊಡೆದ ಮೊದಲ ಗೋಲು ಇದಾಗಿದೆ. ಹಾಗೆಯೇ 3 ವಿಶ್ವಕಪ್ಗ್ಳಲ್ಲಿ ಗೋಲು ಹೊಡೆದ ಬ್ರಝಿಲ್ನ 3ನೇ ಆಟಗಾರನೆನಿಸಿದರು. ಉಳಿದಿಬ್ಬರೆಂದರೆ ಪೀಲೆ ಮತ್ತು ರೊನಾಲ್ಡೊ.
Advertisement
29ನೇ ನಿಮಿಷದಲ್ಲಿ ರಿಚಾರ್ಲಿಸನ್ ಈ ಮುನ್ನಡೆಯನ್ನು ಮೂರಕ್ಕೆ ಏರಿಸಿ ದರು. ಲುಕಾಸ್ ಪಕ್ವೇಟ 36ನೇ ನಿಮಿಷದಲ್ಲಿ 4ನೇ ಗೋಲು ಬಾರಿಸಿ ತಂಡವನ್ನು ಸುಸ್ಥಿತಿಗೆ ತಲುಪಿಸಿದರು.
ಎಲ್ಲ ಮುಗಿದ ಬಳಿಕ 76ನೇ ನಿಮಿಷದಲ್ಲಿ ದಕ್ಷಿಣ ಕೊರಿಯಾದ ಪೈಕ್ ಸೆಯುಂಗ್ ಗೋಲೊಂದನ್ನು ಹೊಡೆದು ಸೋಲಿನ ಅಂತರವನ್ನು ತಗ್ಗಿಸಿದರು.
ದ. ಕೊರಿಯಾ ಕ್ವಾರ್ಟರ್ ಫೈನಲ್ ಪ್ರವೇಶಿಸಬೇಕಾದರೆ ಪವಾಡವೇ ಸಂಭವಿಸಬೇಕಿತ್ತು. 2002ರಲ್ಲಿ ಅದು ಪ್ರಿ ಕ್ವಾರ್ಟರ್ ಫೈನಲ್ ದಾಟಿ ಸೆಮಿಫೈನಲ್ ತನಕ ಮುನ್ನುಗ್ಗಿತ್ತು. ಅಂದು ದಕ್ಷಿಣ ಕೊರಿಯಾ ಫಿಫಾ ವಿಶ್ವಕಪ್ ಪಂದ್ಯಾ ವಳಿಯ ಜಂಟಿ ಆತಿಥ್ಯ ವಹಿಸಿ ಸ್ಮರಣೀಯ ಸಾಧನೆಗೈದಿತ್ತು.