ಅಮೆರಿಕದ ನ್ಯೂಯಾರ್ಕ್‌ನಲ್ಲಿ ಗಣೇಶ ದೇವಸ್ಥಾನ ರಸ್ತೆ!

ನ್ಯೂಯಾರ್ಕ್‌: ಅಮೆರಿಕದ ನ್ಯೂಯಾರ್ಕ್‌ನ ಕ್ವೀನ್ಸ್‌ ನಗರದಲ್ಲಿ ಇದೀಗ ಗಣೇಶ ದೇವಸ್ಥಾನ ರಸ್ತೆಯಿದೆ!

ಹೌದು ಅಮೆರಿಕದ ಧಾರ್ಮಿಕ ಸ್ವಾತಂತ್ರ್ಯ ಚಳವಳಿಯ ಪ್ರಸಿದ್ಧ ಹೋರಾಟಗಾರ ಜಾನ್‌ ಬೋವ್ನೆ ನೆನಪಿನಲ್ಲಿ ನಿರ್ಮಿಸಲಾಗಿರುವ ಬೋವೆ° ರಸ್ತೆಗೆ ಇದೀಗ ಗಣೇಶ ದೇವಸ್ಥಾನ ರಸ್ತೆ ಎಂದು ಹೆಸರಿಡಲಾಗಿದೆ.

ಈ ರಸ್ತೆಯಲ್ಲಿ ಪ್ರಸಿದ್ಧ ಗಣೇಶ ದೇವಸ್ಥಾನವಿರುವ ಹಿನ್ನೆಲೆ ರಸ್ತೆಗೆ ಗಣೇಶ ದೇವಸ್ಥಾನ ರಸ್ತೆ ಎನ್ನುವ ಹೆಸರನ್ನೂ ಇಡುವುದಕ್ಕೆ 2021ರ ಡಿಸೆಂಬರ್‌ನಲ್ಲಿ ನ್ಯೂಯಾರ್ಕ್‌ ಸರಕಾರ ಒಪ್ಪಿಗೆ ನೀಡಿತ್ತು. ಅದೇ ಹಿನ್ನೆಲೆ ಈಗ ರಸ್ತೆಗೆ ಎರಡನೇ ಹೆಸರನ್ನು ಇಡಲಾಗಿದೆ.

ಇದನ್ನೂ ಓದಿ:ಒಡಿಶಾದ ಪ್ರಸಿದ್ಧ ಪವಿತ್ರ ಕ್ಷೇತ್ರವಾದ ಪುರಿ ಜಗನ್ನಾಥ ದೇಗುಲದ ಒಲೆ ಧ್ವಂಸ ; ಆರೋಪಿ ಬಂಧನ

ರಸ್ತೆಯ ನಾಮಫ‌ಲಕವನ್ನು ಇತ್ತೀಚೆಗೆ ಅನಾವರಣ ಮಾಡಲಾಗಿದೆ. ಕ್ವೀನ್ಸ್‌ ನಗರದ ಅಧ್ಯಕ್ಷರು ಹಿಂದೂ ಸಮುದಾಯಕ್ಕೆ ಅಭಿನಂದನೆ ಸಲ್ಲಿಸಿದ್ದಾರೆ.