Jay Shah: ಶೀಘ್ರವೇ ನೂತನ ಎನ್‌ಸಿಎ ಉದ್ಘಾಟನೆ; ಜಯ್‌ ಶಾ

ಬೆಂಗಳೂರು: ಬೆಂಗಳೂರಿನಲ್ಲಿ ಶೀಘ್ರವೇ ನೂತನ ರಾಷ್ಟ್ರೀಯ ಕ್ರಿಕೆಟ್‌ ಅಕಾಡೆಮಿ (ಎನ್‌ಸಿಎ) ಉದ್ಘಾಟನೆಯಾಗಲಿದೆ ಎಂದು ಬಿಸಿಸಿಐ ಕಾರ್ಯದರ್ಶಿ ಜಯ್‌ ಶಾ ಘೋಷಿಸಿದ್ದಾರೆ.

ನೂತನ ಎನ್‌ಸಿಎಯಲ್ಲಿ ಒಲಿಂಪಿಕ್‌ ಗಾತ್ರದ ಈಜು ಕೊಳದ ಜತೆಗೆ, 45 ಪ್ರ್ಯಾಕ್ಟೀಸ್‌ ಪಿಚ್‌ಗಳು, ಒಳಾಂಗಣ ಕ್ರಿಕೆಟ್‌ ಪಿಚ್‌ಗಳು ಸೇರಿ ವಿಶೇಷ ಸೌಲಭ್ಯಗಳು ಇರಲಿವೆ ಎಂದು ತಿಳಿಸಿದರು.

ಟ್ವೀಟ್‌ ಮಾಡಿರುವ ಜಯ್‌ ಶಾ, “ಬೆಂಗಳೂರಿನಲ್ಲಿ ನೂತನ ರಾಷ್ಟ್ರೀಯ ಅಕಾಡೆಮಿ ಬಹುತೇಕ ಪೂರ್ಣಗೊಂಡಿದ್ದು, ಶೀಘ್ರವೇ ಉದ್ಘಾಟನೆ ನಡೆಯಲಿದೆ ಎಂದು ತಿಳಿಸಲು ಉತ್ಸಾಹಿತನಾಗಿದ್ದೇನೆ. ಹೊಸ ಎನ್‌ಸಿಎಯಲ್ಲಿ ವಿಶ್ವ ದರ್ಜೆಯ ಮೈದಾನಗಳು, 45 ಪ್ರ್ಯಾಕ್ಟೀಸ್‌ ಪಿಚ್‌ಗಳು, ಇಂಡೋರ್‌ ಕ್ರಿಕೆಟ್‌ ಪಿಚ್‌ಗಳು, ಒಲಿಂಪಿಕ್‌ ಗಾತ್ರದ ಈಜುಕೊಳಗಳು, ಸ್ಟೇಟ್‌ ಆಫ್ ಆರ್ಟ್‌ ಟ್ರೇನಿಂಗ್‌, ಪುನಶ್ಚೇತನ, ಕ್ರೀಡಾ ವಿಜ್ಞಾನಕ್ಕೆ ಸಂಬಂಧಿಸಿ ಸೌಲಭ್ಯಗಳು ಇರಲಿವೆ’ ಎಂದು ಬರೆದುಕೊಂಡಿದ್ದಾರೆ.