ನೀಟ್‌ ಡೇಟಾ ಸೋರಿಕೆ: ತನಿಖೆಗೆ ರಾಹುಲ್‌ ಗಾಂಧಿ ಆಗ್ರಹ

ಹೊಸದಿಲ್ಲಿ : ನೀಟ್‌ ಪರೀಕ್ಷೆ ಎದುರಿಸಿದ ವಿದ್ಯಾರ್ಥಿಗಳ ಡೇಟಾ ಬೃಹತ್‌ ಪ್ರಮಾಣದಲ್ಲಿ ಸೋರಿಕೆಯಾಗಿರುವ ಬಗ್ಗೆ ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ ಅವರು ಸಿಬಿಎಸ್‌ಇ ಗೆ ಪತ್ರ ಬರೆದು ಹಗರಣದ ತನಿಖೆಯನ್ನು ಆಗ್ರಹಿಸಿದ್ದಾರೆ. 

ಈ ರೀತಿಯ ಡೇಟಾ ಸೋರಿಕೆ ಘಟನೆ ಮುಂದಿನ ದಿನಗಳಲ್ಲಿ ನಡೆಯದಂತೆ ಮುನ್ನೆಚ್ಚರಿಕೆ ವಹಿಸಲು ಪರಿಣಾಮಕಾರಿ ಸುರಕ್ಷಾ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ರಾಹುಲ್‌ ಅವರು ಸಿಬಿಎಸ್‌ಇ ಅಧ್ಯಕ್ಷೆ ಅನಿತಾ ಕರವಾಲ್‌ ಅವರಿಗೆ ಬರೆದಿರುವ ಪತ್ರದಲ್ಲಿ ಹೇಳಿದ್ದಾರೆ.

ನೀಟ್‌ ಪರೀಕ್ಷೆ ಎದುರಿಸಿದ 2 ಲಕ್ಷಕ್ಕೂ ಅಧಿಕ ವಿದ್ಯಾರ್ಥಿಗಳ ಖಾಸಗಿ ಮಾಹಿತಿಗಳು ಸೋರಿ ಹೋಗಿದ್ದು ಅವುಗಳೀಗ ಕೆಲವೊಂದು ವೆಬ್‌ ಸೈಟ್‌ಗಳಲ್ಲಿ  2 ಲಕ್ಷ ರೂ. ವರೆಗಿನ ದರಕ್ಕೆ  ಮಾರಾಟವಾಗುತ್ತಿವೆ; ಆದುದರಿಂದ ನೀವು ಈ ಬೃಹತ್‌ ಪ್ರಮಾಣದ ಡೇಟಾ ಸೋರಿಕೆ ಬಗ್ಗೆ ತನಿಖೆಗೆ ಆದೇಶಿಸಬೇಕು ಎಂದು ನಾನು ಆಗ್ರಹಿಸುತೆತàನೆ ಎಂದು ರಾಹುಲ್‌ ಪತ್ರದಲ್ಲಿ ಬರೆದಿದ್ದಾರೆ.