ಪಣಜಿ: ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಕಾರ್ಯದರ್ಶಿ ಜಯ್ ಶಾ ಅವರು 3 ನೇ ರಾಷ್ಟ್ರೀಯ ದೈಹಿಕ ಅಂಗವೈಕಲ್ಯ ಟಿ20 ಕ್ರಿಕೆಟ್ ಚಾಂಪಿಯನ್‍ಶಿಪ್ 2023 ರ ಟ್ರೋಫಿಯನ್ನು ಗೋವಾ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಅನಾವರಣಗೊಳಿಸಿದರು. ಈ ಪಂದ್ಯಾವಳಿಯಲ್ಲಿ 24 ರಾಜ್ಯ ಮಟ್ಟದ ಅಂಗವಿಕಲರ ಕ್ರಿಕೆಟ್ ತಂಡಗಳು ಭಾಗವಹಿಸಲಿದ್ದು, 384 ಅಂಗವಿಕಲ ಕ್ರಿಕೆಟಿಗರು ಒಂದಾಗಲಿದ್ದಾರೆ.
ಹತ್ತು ಆಕ್ಷನ್ ಪ್ಯಾಕ್ಡ್ ದಿನಗಳಲ್ಲಿ, 60 ಲೀಗ್ ಪಂದ್ಯಗಳು, 2 ಸೆಮಿಫೈನಲ್ ಮತ್ತು ಗ್ರ್ಯಾಂಡ್ ಫೈನಲ್ ಸೇರಿದಂತೆ ಒಟ್ಟು 63 ಪಂದ್ಯಗಳನ್ನು ಆಡಲಾಗುತ್ತದೆ. ಇದು ಉದಯಪುರದ ನಾಲ್ಕು ವಿವಿಧ ಕ್ರಿಕೆಟ್ ಮೈದಾನಗಳಲ್ಲಿ ನಡೆಯಲಿದೆ. ಭಾರತದ ಮಾಜಿ ಕ್ರಿಕೆಟಿಗ ಹರ್ಭಜನ್ ಸಿಂಗ್ ಅವರನ್ನು ಟೂರ್ನಿಯ ಬ್ರಾಂಡ್ ಅಂಬಾಸಿಡರ್ ಆಗಿ ನೇಮಿಸಲಾಗಿದೆ.
ಈ ಸಂದರ್ಭದಲ್ಲಿ ಬಿಸಿಸಿಐ ಅಧ್ಯಕ್ಷ ರೋಜರ್ ಬಿನ್ನಿ, ಬಿಸಿಸಿಐ ಉಪಾಧ್ಯಕ್ಷ ರಾಜೀವ್ ಶುಕ್ಲಾ ಮತ್ತು ಐಪಿಎಲ್ ಅಧ್ಯಕ್ಷ ಅರುಣ್ ಸಿಂಗ್ ಧುಮಾಲ್ ಉಪಸ್ಥಿತರಿದ್ದರು. ಕಾರ್ಯದರ್ಶಿ ರವಿಕಾಂತ್ ಚೌಹಾಣ್ ಮತ್ತು ಜಂಟಿ ಕಾರ್ಯದರ್ಶಿ ಅಭಯ ಪ್ರತಾಪ್ ಸಿಂಗ್ ಉಪಸ್ಥಿತರಿದ್ದರು. ಅವರು ಡಿಸೇಬಲ್ಡ್ ಕ್ರಿಕೆಟ್ ಕೌನ್ಸಿಲ್ ಆಫ್ ಇಂಡಿಯಾ (ಡಿಸಿಸಿಐ) ಪ್ರತಿನಿಧಿಸುತ್ತಿದ್ದರು. ದೇಶಾದ್ಯಂತ ಸಾವಿರಾರು ಅಂಗವಿಕಲ ಕ್ರಿಕೆಟಿಗರಿಗೆ ಪ್ರಬಲ ವೇದಿಕೆ ಒದಗಿಸಿದ್ದಕ್ಕಾಗಿ ರವಿಕಾಂತ್ ಜಯ್ ಶಾಗೆ ಧನ್ಯವಾದ ಅರ್ಪಿಸಿದರು.
ಬಿಸಿಸಿಐ ಕಾರ್ಯಕ್ರಮವನ್ನು ಬೆಂಬಲಿಸುವುದು ಮಾತ್ರವಲ್ಲದೆ ವ್ಯಾಪಾರ ಪಾಲುದಾರರಾಗಿ ಸಹಕರಿಸುತ್ತಿದೆ ಎಂದು ಅವರು ಹೈಲೈಟ್ ಮಾಡಿದರು. 3 ನೇ ರಾಷ್ಟ್ರೀಯ ದೈಹಿಕ ಅಂಗವೈಕಲ್ಯ ಟಿ20 ಕ್ರಿಕೆಟ್ ಚಾಂಪಿಯನ್‍ಶಿಪ್ 2023 ಡಿಸಿಐ ಮತ್ತು ನಾರಾಯಣ ಸೇವಾ ಸಂಸ್ಥೆಯ ಜಂಟಿ ಪ್ರಯತ್ನವಾಗಿದೆ. ಈ ಸಂಸ್ಥೆಯು ದಶಕಗಳಿಂದ ದೇಶಾದ್ಯಂತ ಅಂಗವಿಕಲರ ಸಹಾಯ ಮತ್ತು ಪುನರ್ವಸತಿಗೆ ಸಮರ್ಪಿತವಾಗಿದೆ.
