ನಾತಿಚರಾಮಿಯಲ್ಲಿ ಹೆಣ್ಣಿನ ಒಳತುಡಿತಳ ಬಗ್ಗೆ ಹೇಳಿದ್ದೇವೆ:ಶೃತಿ ಹರಿಹನ್

`ಗಂಡಸರಿಗೆ ಮಾತ್ರ ಲೈಂಗಿಕ ಬಯಕೆ ಇರುತ್ತದಾ? ಹೆಣ್ಣು ಜೀವಗಳಿಗೆ ಬಯಕೆಗಳಿರೋದಿಲ್ವಾ?’ ಇಂಥದ್ದೊಂದು ಪ್ರಶ್ನೆಯನ್ನು ಕೇಳುತ್ತಿರುವವರು ನಟಿ ಶೃತಿ ಹರಿಹರನ್. ಇತ್ತೀಚೆಗಷ್ಟೇ ಮೀ ಟೂ ಅಭಿಯಾನದ ಮೂಲಕ ಸಾಕಷ್ಟು ಚರ್ಚೆಗೆ ಕಾರಣರಾಗಿದ್ದ ಶೃತಿ ಹರಿಹರನ್ ಪ್ರಧಾನ ಪಾತ್ರದಲ್ಲಿ ನಟಿಸಿರುವ `ನಾತಿಚರಾಮಿ’ ಸಿನಿಮಾ ಇದೇ ವಾರ ರಾಜ್ಯಾದ್ಯಂತ ತೆರೆಗೆ ಬರುತ್ತಿದೆ. ಅಂದಹಾಗೆ ಶೃತಿ ಹರಿಹರನ್ ಮಹಿಳೆಯರ ಲೈಂಗಿಕ ಆಸಕ್ತಿಯ ಬಗ್ಗೆ ಹೀಗೆ ಪ್ರಶ್ನಿಸಲೂ ಕಾರಣವಿದೆ. ಯಾಕೆಂದರೆ, ನಾತಿಚರಾಮಿ ಸಿನಿಮಾ ಇದೇ ಪ್ರಶ್ನೆಯನ್ನು ಮೂಲವಾಗಿರಿಸಿಕೊಂಡು ನಿರ್ಮಾಣಗೊಂಡಿರುವ ಚಿತ್ರ!

ತೀರಾ ಬೋಲ್ಡ್ ಎನಿಸುವ ಕಥಾಹಂದರದೊಂದಿಗೆ ರೂಪುಗೊಂಡಿರೋ ಸಿನಿಮಾ ನಾತಿಚರಾಮಿ. ಈ ಚಿತ್ರದ ನನ್ನ ಪಾತ್ರ ನಿಜ  ಜೀವನದಲ್ಲಿ ನನ್ನ ತಾಯಿಗೆ ಕನೆಕ್ಟ್ಆ ಗುತ್ತದೆ. ಮದುವೆಯ ಅರ್ಥ ಏನು? ಗಂಡ ಹೆಂಡತಿಯ ಸಂಬಂಧ ಹೇಗಿರಬೇಕು ಎಂಬೆಲ್ಲಾ ವಿಚಾರಗಳ ಕುರಿತು ಈ ಸಿನಿಮಾದಲ್ಲಿ ಗಂಭೀರವಾಗಿ ಚಚರ್ೆ ಮಾಡಲಾಗಿದೆ. ಈ ಪಾತ್ರ ನನ್ನ ಹೆತ್ತ ತಾಯಿ ಮತ್ತು ಅವರಂಥಾ ಅಗಣಿತ ಹೆಣ್ಣುಮಕ್ಕಳ ಅಂತರಾಳದ ದನಿಯಾಗಿದೆ ಅನ್ನೋದು ನನ್ನ ಅಭಿಪ್ರಾಯ. ನಮ್ಮ ಸಮಾಜದಲ್ಲಿ ಗಂಡಸರಿಗೆ ಮಾತ್ರ ಸೆಕ್ಷುಯಲ್ ಡಿಸೈರ್ ಇದೆ ಅನ್ನುವುದಕ್ಕೆ ಇಂಪಾರ್ಟೆನ್ಸ್ ಕೊಡುತ್ತಾರೆ. ಆದರೆ ಅದೇ ಬಗೆಯಲ್ಲಿ ಹೆಣ್ಣಿನ ಮನಸ್ಸಿನಲ್ಲೂ ಕಾಮನೆಗಳಿರುತ್ತವೆ.

ಲೈಂಗಿಕತೆ ಅನ್ನೋದು ನಮ್ಮ ಬದುಕಿನ ಮೂಲಭೂತ ಅಗತ್ಯಗಳಲ್ಲಿ ಒಂದು… ಇಂಥಾ ಸತ್ಯದ ಸಂಗತಿ ನಾತಿಚರಾಮಿ ಸಿನಿಮಾದ ಕಥೆಯ ಮೂಲಕ ನಿದರ್ೇಶಕ ಮಂಸೋರೆ ಮನಮುಟ್ಟುವಂತೆ ಕಟ್ಟಿಕೊಟ್ಟಿದ್ದಾರೆ. ಸಂಚಾರಿ ವಿಯ್ ಅವರ ಜೊತೆ ನಟಿಸಿದ್ದು ಹೊಸ ಅನುಭವ ನೀಡಿದೆ. ಇಂಥಾ ಸಿನಿಮಾಗಳನ್ನು ಜನ ನೋಡಲೇಬೇಕು. ಹೊಸ ಬಗೆಯ ಚಿಂತನೆಗೆ ಈ ಸಿನಿಮಾ ನಾಂದಿಯಾಗುತ್ತದೆ ಅನ್ನೋ ನಂಬಿಕೆ ನನ್ನದು.